पुरानो मेडिकल कलेजमा सञ्चालनमा आयो ‘मधुमेह स्क्रिनिङ क्लिनिक’

चितवन । पुरानो मेडिकल कलेज , भरतपुरमा मधुमेह स्क्रिनिङ क्लिनिक संचालनमा आएको छ । मधुमेह (सुगर) का बिरामीहरुलाई सहज र सुलभ स्वास्थ्य सेवा दिनका लागि अस्पताल परिसरमा अलग्गै क्लिनिक सञ्चालनमा ल्याईएको हो ।
अस्पतालमा दिनहुँ मधुमेहका विरामीहरु आउने क्रम बढेकोले मधुमेहका बिरामी अस्तपताल आउने क्लिनिक सञ्चालनमा ल्याईएको अस्पतालले जनाएको छ । अस्पतालले संभवत मध्य नेपालमा पहिलो मधुमेह स्क्रीनिङ क्लिनिक हो ।
सुगरका रोगी तथा सम्भावित रोगीहरुले स्क्रीनिङ क्लिनिकमा समयमै निःशुल्क परीक्षण गरी स्वास्थ्य लाभ लिन सकुन् भन्ने उद्देश्यले क्लिनिक संचालनमा ल्याईएको अस्पतालका जनसम्पर्क अधिकृत दुर्गा न्यौपाने जानकारी दिए ।
विरामीलाई सेवाको पहुंँच पुर्याउने उद्धेश्यसहित अस्पताल र मधुमेह समाज चितवन बीच मधुमेहका बिरामीहरुलाई निःशुल्क मधुमेह स्क्रीनिङ र अन्य आपसी सहकार्य सम्बन्धी सहमती भएको न्यौपानेले बताए ।े ।
सम्झौता अनुसार उक्त क्लिनिकमा हप्ताको सातै दिन बिहान ६ देखि ८ बजेसम्म मधुमेह समाजमा आबद्ध तथा अन्य सम्पूर्ण मधुमेहका बिरामीहरुको निःशुल्क सुगर जाँच (मधुमेह परीक्षण) गर्न सक्नेछन् । यस्तै मधुमेहका सम्पूर्ण बिरामीहरुलाई मधुमेह स्वास्थ्य जाँच प्याकेजमा ५० प्रतिशत छुट अस्पतालले दिएको छ । यो सुबिधा एउटा बिरामीले हरेक तीन महिनामा एकपटक पाउने सम्झौतामा उल्लेख छ ।
समाजका पदाधिकारीहरुले अस्पतालका रेडियोलोजी र फार्मेसी बाहेकका अन्य सम्पूर्ण सेवामा २० प्रतिशत छुट पाउनेछन ।
दुबै पक्षको आपसी सहमतिमा निःशुल्क स्वास्थ्य शिविर सन्चालन गर्ने, मधुमेह रोग नियन्त्रण तथा उपचारको लागि सचेतना अभियान सञ्चालन गर्ने, स्वास्थ्य शिक्षा तथा अन्य स्वास्थ्य सम्बन्धी कार्यक्रमहरु सञ्चालन गरिने लगायतका सहमति भएका छन ।
अस्पतालले मधुमेह सम्बन्धी सेवाका लागि ९८०२०१०००३ नम्बरको हटलाईन टेलिफोन समेत व्यवस्था गरेको न्यौपानेले बताए ।