न्युरोलोजी साइन्समा पर्याप्त जनशक्ति उत्पादन गर्न जरुरी छ : वरिष्ठ न्युरोलोजिष्ट डा. विष्ट

पछिल्लो समय नेपालमा मेडिकल क्षेत्रले ठूलो फड्को मारेको छ । प्रविधिको विकाससंँगै यस क्षेत्रको आकर्षण समेत बढ्दै गएको छ । विगतका बर्षहरुमा जटिल तथा दिर्घकालिन रोगको लागि विदेश सम्म धाउनुपर्ने बाध्यता थियो । तर मेडिकल क्षेत्रको विकास र आयामसंँगै यहीं पनि दक्ष चिकित्सकहरु उत्पादन हुन र स्थापित हुन थालेका छन । केही चिकित्सकहरु विदेशबाट अध्ययन गरेर नेपालमा सेवा दिईरहेका छन त केही चिकित्सकहरु नेपालमै अध्ययन गरेर पनि जटिल तथा दिर्घरोगहरुको उपचार दक्ष भईसकेका छन् ।
विशिष्ट सेवा अन्तर्गत पर्ने मुट, कलेजो, फोक्सो, मृगौला, टाउकाको सर्जरी लगायतका सेवाहरु नेपालमा नै दिएपछि केही हदसम्म नेपालीहरुको विदेश जाने बाध्यता कम भएको छ । हाम्रो सबै अंगहरुका महत्व, काम फरक फरक भएपनि न्युरोलोजी तथा कार्डियोलोजीको पनि उत्तिकै महत्व छ । यस न्युरोलोजी बिषयमा पनि नेपालमा दक्ष चिकित्सकहरु उत्पादन भईसकेका छन । तर यतिले मात्र आवश्यकता परिपुर्ति हुन सकेको छैन । यसमध्ये विराटनगरमा रही सेवा दिदैं आउनु भएका वरिष्ठ न्युरोलोजी डा.बिरेन्द्र कुमार बिष्ट स्थापित चिकित्सक हुनुहुन्छ ।
मिजासिलो एवं सरल स्वभावका बरिष्ठ न्युरोलोजी डा.बिरेन्द्रकुमार बिष्टले आफ्नै नेतृत्वमा स्थापना गर्नुभएको न्युरो, कार्डियो मल्टिस्पेसियालिटी अस्पताल बिराटनगरमा सेवारत हुनुहुन्छ । स्वास्थ्य क्षेत्र संगै अन्य विभिन्न सामाजिक संघसंस्थाको समेत नेतृत्व गर्दै आहिरहनु भएको छ । स्वास्थ्य क्षेत्रमा निरन्तर सेवा गर्नुभएका सामाजिक व्यक्तित्व डा.बिरेन्द्रकुमार बिष्ट सँग उहाँको पेशागत जीवन सँग रहेर पत्रकार वागमती श्रेष्ठले गर्नु भएको रोचक तथा सन्देशमूलक कुराकानीको सारसंक्षेप ।

नेपालमा न्युरोलोजी साइन्सको संस्थागत विकास, जनशक्ति र सेवाको अवस्था कस्तो देख्नु हुन्छ ?

नेपालमा न्युरोलोजी साइन्सको संस्थागत विकास अति सुस्त गतिमा बढिरहेको छ । यसमा धेरै सुधारको आवश्यकता रहेको मैले महसुस गरेको छु । न्युरोलोजी साइन्समा जनशक्ति पर्याप्त मात्रामा भएको छैन । तर यसका रोगीहरु भने गुणात्मक रुपमा बढिरहेका छन । विशेषज्ञ सेवा प्रदान गर्ने दक्ष जनशक्ति उत्पादन गर्नुमा राज्यको अहम भूमिका हुन्छ । तर राज्यको तर्फबाट यस क्षेत्रमा चासो दिएको पाईदैन । तर राज्यले विशेष व्यवस्था निर्माण गरी दक्ष जनशक्ति पर्याप्त मात्रामा उत्पादन गर्ने र हाल विकराल रुपमा देखापरेको न्युरोलोजी सम्बन्धि रोगलाई समयमै उपचार गर्न सकिने कुरामा म विश्वस्त छु । यो मेरो पेशागत अनुभव पनि हो । विशेषज्ञ सेवा प्रदान गर्न दक्ष जनशक्ति उत्पादन गर्ने सन्दर्भमा नीजि क्षेत्रका साधन श्रोत सम्पन्न स्वास्थ्य संस्थाहरुलाई जिम्मेवार बनाउन सकिएको अवस्थामा अझ प्रभावकारी हुने महसुस गरेको छु । त्यसैले पनि न्युरोलोजी साईन्समा पर्याप्त मात्रामा जनशक्ति उत्पादन गर्न जरुरी छ ।

पूर्वी नेपालमा रही विधागत र संस्थागत विकासमा आफूलाई समर्पित गर्दै गर्दा देशको नीति र सहयोग कस्तो पाउनु भएको छ ?