६ दशक बढी स्वास्थ्य सेवामा योगदान दिएका डा.राणाको निधन

पोखरा । ६ दशकभन्दा बढी स्वास्थ्य सेवामा योगदान दिनु भएका बरिष्ठ डाक्टर कुमार शमशेर राणाको निधन भएको छ । ८५ बर्षका राणाको उपचारको क्रममा पोखरा स्थित फेवा सिटी अस्पतालमा शुक्रवार विहान ७:१० बजे निधन भएको हो ।

उहांँ उक्तचाप, मधुमेह, दम, मृगौला रोगका साथै निमोनियाले ग्रसित हुनुभएको उपचारमा संलग्न वरिष्ठ चिकित्सक प्राडा. बुद्धि बहादुर थापाले बताउनु भयो । डा.थापाले स्वर्गीय राणाको नियमित उपचारसंँगै असल छिमेकीको भूमिका निर्वाह गर्दै आउनु भएको थियो ।

उहाँको निधनले स्वास्थ्य क्षेत्रमा अपुणर्ीय क्षति भएकोे अर्का वरिष्ठ चिकित्सक डा. बसन्त ताम्राकारले जानकारी दिनुभयो । डा.राणा श्री ३ वीर शमशेरको सन्तान हुन् । विं सं १९९४ मा पाल्पा दरबारमा कुमार शमशेर राणाको जन्मभएको थियो । उहाँ धैर्य शमशेरका छोरा हुन् ।

प्रारम्भिक शिक्षा पाल्पामै अध्ययन गरेका डा.राणा २०१९ सालमा नेपाल आएर शुरुवाती समयमा भक्तपुरमा आएर बस्नुभएको थियो । केही वर्ष भक्तपुर अस्पतालमा बिताएका डा.राणा त्यसपछि पाटन अस्पतालमा काम गर्नुभएको थियो । २०२६-२७ सालतिर पोखराकोे गण्डकी अस्पतालमा सरुवा भएपछि मेडिकल सुपरिटेण्डेण्टको जिम्मेवारी सम्हाल्नु भएको थियो । डा. राणाको सेवा निवृत्त हुन केही महिना बांँकी रहंँदा उहांँलाई बाग्लुङ जिल्ला अस्पतालमा सरुवा गरिदिएपछि उहांँले सरकारी सेवाबाट स्वच्छाले अवकाश लिनु भएको वरिष्ठ चिकित्सक प्राडा.भरत बहादुर खत्रीले बताउनु भयो । त्यसपछि भने डा.राणाले पोखरा स्थित पदमा नर्सिङ्ग होममा सेवा दिदैं आउनु भएको थियो ।

स्वर्गीय राणाले पहिले पोखरामा रहंँदा अहिलेका विषयगत विशेषज्ञ चिकित्सकले हेर्ने सबै रोगको उपचार गर्नुहुन्थ्यो । साथै उहांँ नेपालको पुराना उत्कृष्ट चिकित्सक मध्ये रहेको वरिष्ठ मुटुरोग विशेषज्ञ डा.नारायण गौतमले बताउनु भयो । ६३ बर्ष देखि स्वास्थ्य क्षेत्रमा सक्रिय हुनुभएका स्वर्गीय डा.राणा ( फादर अफ ऐलोपेथिक मेडिसिन इन पोखरा ) को नामले परिचित हुनुहुन्थ्यो ।