चितवन । जिल्लाका स्वास्थ्यकर्मी र जनप्रतिनिधि बीच फार्मेसी क्षेत्रका बिषयमा अन्र्तक्रिया सम्पन्न भएको छ ।
अन्र्तक्रिया कार्यक्रममा फार्मेसी क्षेत्रमा भएका समस्या र यस क्षेत्रको स्थानीय ऐन नियम एवं दायित्व र जिम्मेवारीकाबारे छलफल तथा अन्र्तक्रिया भएको हो ।
नेपाल फार्मेसी सघ चितवनले शनिबार भरतपुरमा आयोजना गरेको जिल्ला स्तरीय भेला तथा अन्तरक्रिया कार्यक्रममा भरतपुर महानगरका कार्यबाहक नगर प्रमुख चित्रसेन अधिकारीले भरतपुरका औषधि पसलहरुमा व्यापक चलखेल भएको जनगुनासो आएकाले छिट्टै अनुगमन गरिने बताए । ‘महानगरमा व्यापक रुपमा जनगुनासो आएको छ, कार्यबाहक नगर प्रमुख अधिकारीले भने, अब महानगर छिट्टै एक्सनमा जान्छ । ’
अधिकारीले नागरिकको स्वास्थ्य माथी खेलवाड गर्ने छुट कसैलाई पनि नभएको बताए । उनले
सि एम ए अध्ययन गरेका बिद्यार्थीहरुले भरतपुरमा फार्मेसी पसल सन्चालन गरेको जनगुनासो व्यापक आएकोले यसतर्फ महानगरको ध्यानाकर्षण भएको बताए ।
स्वास्थ्य क्षेत्र मानबका लागि अति नै महत्त्वपूर्ण क्षेत्र भएकोले कुनै पनि ब्यक्ति वा संघ सस्थाले जान अन्जानमा लापरबाही गर्न नहुने उनको भनाई थियो ।
पि.ई.ए.एन.का अध्यक्ष प्रकाश सुवेदीले औषधि पसलमा गैह्र फार्मासिष्टले चलाएको कारण नागरिकको जनस्वास्थ्यमा खेलवाड भएकोले अनुगमनलाई तीब्रता दिनुपर्नेमा जोड दिए । स्थानीय तहमा दक्ष फर्मासिष्टको आवश्यकता रहेको उनले बताए ।
कार्यक्रममा बोल्दै वडा नम्बर १० का अध्यक्ष परमेश्वर खनालले सुधार आफैबाट शुरु गर्नुपर्ने भन्दै नागरिकको स्वास्थ्यमा प्रत्यक्ष सरोकार राख्ने औषिध वितरणमा गम्भिर हुनुपर्ने बताए । फार्मासिष्टका समस्या समाधान गर्न स्थानीय तह तयार रहेको भन्दै संगठित भएर आउन आग्रह गरे ।
सिएम संघका अध्यक्ष रामजी घिमिरले फर्मासिष्ट स्वास्थ्य क्षेत्रको अभिन्न अंग भएपनि ८० प्रतिशत फार्मेसी सिएमए र अन्य ग्रैह व्यक्तिले प्रमाणपत्र भाडामा लिएर चलाएको बताए ।
कार्यक्रमका सभापति एवं संघका अधयक्ष विनोद पन्तले स्वास्थ्य सेवा गुणस्तरीय बनाउन सबै स्वास्थ्यकर्मी एकजुट हुनुपर्ने बताए । सबै एकजुट भएर अघि बढेमा स्वास्थ्य क्षत्रमा उल्लेखनीय सुधार आउने बताए ।
कार्यक्रममा चितवनका सातै पालिकाका प्रमुख, उप प्रमुख तथा वडा अध्यक्ष,कार्यपालिका सदस्यहरु तथा वडा सदस्यहरुको सहभागिता रहेको थियोे । कार्यक्रमको संयोजन शुशील सिग्देलले गरेका थिए भने कार्यक्रम ओमकार सापकोटाले सञ्चालन गरेका थिए ।
