चितवनमा पछिल्लो २४ घण्टामा डेंगुबाट एकको मृत्यु ८ जनामा संक्रमण

चितवन । पछिल्लो २४ घण्टामा एक जनाको डेँगु सङ्क्रमणबाट मृत्यु भएको छ भने आठ जनामा डेँगु सङक्रमण पुष्टि भएको छ। स्वास्थ्य कार्यालय चितवनका अनुसार हालसम्म सङ्क्रमितको संख्या एक हजार छ सय १३ पुगेको छ।
जसमध्ये भरतपुर महानगरपालिकाका एक हजार एक सय १७ जना, रत्ननगर नगरपालिकाका दुई सय एक, खैरहनी नगरपालिकाका एक सय ३२ जना, राप्ती नगरपालिकाका ८२ जना, कालिका नगरपालिकाका ३९ जना, माडी नगरपालिकाका ३२ जना र इच्छाकामना गाँउपालिकाका १० जना रहेका छन्। त्यस्तै अन्य जिल्लाबाट छ जना रहेको छन्।