चितवन । भरतपुर अस्पतालको अध्यक्षमा राजु पौडेल नियुक्त भएका छन ।
स्वास्थ्य तथा जनसंख्या मन्त्रालयले पौडेललाई अध्यक्षमा नियुक्त गरेको मन्त्रालयका सचिव रोशन पोखरेलले जानकारी दिए ।
चितवन उद्योग संघ चितवनका निवर्तमान अध्यक्ष समेत रहेका पौडेल फ्रेन्ड्स अफ भरतपुर अस्पतालको संयोजक समेत हुन् । यो संस्थामा रहेर पौडेलले भरतपुर अस्पतालको विकासमा काम गर्दै आएका थिए । भरतपुर अस्पतालको अध्यक्ष रहंँदा डा.भोजराज अधिकारी राजीनामा दिएर निर्वाचनमा गएपछि उक्त पद रिक्त रहँदै आएको थियो ।
नियुक्त भएसंँगै पौडेलले अस्पताललाई विरामी मैत्री तथा प्रविधिमैत्री बनाउंँदै लैजाने बताए । आगामी दिनमा यसको सेवाको गुणस्तरमा बृद्धि गर्दै नमुना अस्पतालको रुपमा विकास गर्ने उनको भनाई छ ।
