चितवन । स्वास्थ्य दर्पण राष्ट्रिय हेल्थ अवार्ड—२०७९ ( प्रदेश नम्बर १, मधेश प्रदेश र वाग्मती प्रदेश)को तयारी पुरा भएको छ । शनिबार ( भोलि) भरतपुरको ग्लोबल होटलमा हुने हेल्थ अवार्डबाट चिकित्सक,स्वास्थ्यकर्मी तथा पत्रकार सम्मानित हुने भएका छन
स्वास्थ्य दर्पण मिडिया नेटवर्कको गौरवमय सातौं वार्षिकोत्सवको अवसरमा उनीहरुलाई सम्मान गर्न लागिएको नेटवर्ककका अध्यक्ष सन्दीपकुमार श्रेष्ठले जानकारी दिए । संस्थाको बार्षिकोत्सवमा विभिन्न क्षेत्र र विधाबाट स्वास्थ्य क्षेत्रमा सेवा र योगदान दिने व्यत्तित्वहरुलाई अवार्ड दिने गरिएको छ ।
यस्ता सम्मानले यस क्षेत्रमा काम गर्ने सबै व्यत्तित्वहरुको उर्जा र मनोबल बढ्ने भएकाले नियमित रुपमा संस्थाले सम्मान गर्दै आएको अध्यक्ष श्रेष्ठले बताए ।
सो अवसरमा नेटवर्कको स्वास्थ्य दर्पण मासिक पत्रिका पनि सार्वजनिक गरिनेछ ।कार्यक्रममा प्रमुख अतिथिको रुपमा नेपाली कांँग्रेसका नेता तथा सांसद डाक्टर शशांक कोइराला ,अन्य अतिथिहरुमा नेपाल पत्रकार महासंघका अध्यक्ष विपुल पोख्रेल लगायतको सहभागिता हुनेछ ।
विगतका बर्षहरुमा जस्तै काठमाडौं हुने बार्षिक अवार्ड कार्यक्रमलाई निरन्ततरता दिदै प्रदेश तहमा पनि छुटै अवार्ड कार्यक्रम गर्न लागिएको हो ।यसभन्दा अघि पोखरामा भएको पहिलो अवार्ड कार्यक्रममा लुम्बिनी तथा गण्डकी दुई प्रदेशलाई संमावेश गरिएको थियो । आगामी दिनमा बाँकी प्रदेशमा पनि यसै गरी निरन्तरता दिंँदै जाने श्रेष्ठले बताए ।
- शुक्रबार, माघ १३, २०७९ मा प्रकाशित
तपाईको प्रतिक्रिया
संबन्धित शिर्षकहरु
