चितवन । अल्पाईन पोलीक्लिनिक भरतपुरको आयोजनामा निःशुल्क स्वास्थ्य शिविर सम्पन्न भएको छ । शनिबार भरतपुर महानगरपालिका वडा नम्बर १७ स्थित गुञ्जनगर स्वास्थ्य चौकीमा सय भन्दा बढी बृद्धबृद्धाको स्वास्थ्य परीक्षण गरिएको हो ।
पोलीक्लिनिकले संस्थागत सामाजिक उत्तरदायित्व अन्तर्गत निशुल्क स्वास्थ्य परीक्षण गरेको जनाएको छ ।
पोलिक्लिनिकका सञ्चालक फार्मासिष्ट शुशील सिग्देलले गुञ्जनगरका सय भन्दा बढी बृद्धबृद्धाको निःशुल्क स्वास्थ्य परीक्षण गरिएको जानकारी दिनुभयो । ग्रामीण क्षेत्र लक्षित सो शिविरमा प्रेसर, सुगर थाईराइड, इसिजी लगायतको परीक्षण गरिएको थियो । उहांँका अनुसार ८० बर्ष हाराहारीका बृद्धबृद्धाहरुको सुगर प्रेसर, थाईराइड र स्त्री विशेषज्ञहरुद्धारा पाठेघरको परीक्षण गरिएको थियो । शिविरमा फिजिसियन डाक्टर जयराम अधिकारी, डा रमेश थापा, स्त्री रोग विशेषज्ञ डा जीवन परियार, र रेडियोलोजिष्ट नगेन्द्र दराई लगायतको टोलीले स्वास्थ्य परीक्षण गर्नुभएको थियो ।
शिविरमा फार्मासिष्ट विजय श्रेष्ठ, सञ्जु थापा लगायतले सहजीकरण गर्नुभएको थियो । शिविरमा सामान्य विरामी भएका विरामीलाई स्वास्थ्य सल्लाह र परामर्श दिईएको सिग्दलले बताउनु भयो । परीक्षण गरिएका मध्ये तत्काल उपचार गर्न नसिकने विरामीका लागि आबश्यक परामर्श दिई सम्बन्धित चिकित्सक तथा अस्पताल जान सुझाईएको थियो ।
शिविरमा विरामीलाई आवश्यक औषधी पनि निःशुल्क वितरण गरिएको थियो । यस अघिपनि पोलिक्लिनिकले यस्ता सामाजिक कार्य गर्दै आएको र आगामी दिनमा पनि यस्ता कार्यक्रमलाई निरन्तरता दिदै जाने सिग्देलको भनाई छ । कार्यक्रमको संयोजन सुरेश खतिवडाले गर्नुभएको हो ।
