चितवन । एचआईभी एड्सको निराकरणका लागि सहयोग गर्दै आएको अन्र्तराष्ट्रिय सामाजिक संस्था एएचएफले आफ्नो पांँचबर्षे भावी योजना तथा कार्यक्रम सार्वजनिक गरेको छ । भरतपुर अस्पताल भित्र सञ्चालन हुंँदै आएको एआरटी सेन्टरको लागि उक्त योजना सार्वजनिक गरेको हो । आज एएचएफले अस्पताल परिषरमा कार्यक्रम गरी सरोकारवालासंँग अन्र्तक्रिया पनि गरेको छ । सो अवसरमा एचआईभीको रोकथाम, उपचार र सचेतना बृद्धि गर्ने कामलाई एएचएफ नेपालले सन् २०२७ सम्म निरन्तरता दिने भएको एएचएफ नेपालका बागमती प्रदेशका वरिष्ठ कार्यक्रम संयोजक कृष्णहरि सापकोटाले जानकारी दिए । । एएचएफ नेपालले भरतपुर अस्पतालको एआरटी सेन्टरमार्फत विगत केही बर्षदेखि एचआईभी संक्रमितको उपचार गर्दै आएको छ ।
सेवालाई सन् २०२७ सम्म निरन्तरता दिन तीन करोड ८० लाख रुपैयाँ आर्थिक सहायता प्राप्त भएको सापकोटाले जानकारी दिए । सापकोटाका अनुसार एआरटी सेन्टरबाट हाल ११ सय ५१ जना एचआईभी सक्रिय संक्रमितले नियमित रुपमा एआरटी औषधी खाइरहेको उनले बताए । नियमित एआरटी खानेमा ५६६ जना पुरुष, ५४७ जना महिला र २८ जना बालबालिका रहेका छन् ।
कार्यक्रममा सरोकारवालाले एचएफको निरन्तर सहयोगबाट भरतपुर एआरटी सेन्टरको सेवा प्रभावकारी बन्दै गएको बताएका थिए ।
सो अवसरमा बोल्दै स्वास्थ्य कार्यालय चितवनका प्रमुख दुर्गा सापकोटाले एचआईभी संक्रमितको उपचार प्रभावकारी र सेवाग्राही मैत्री भएको बताए । आगामी दिनमा पनि एआरटी सेन्टरले सेवालाई विस्तार गरी सचेतनाका कार्यक्रमलाई जनमानसमा पुरयाउने विश्वास व्यक्त गरे । कार्यक्रमका प्रमुख अतिथि अस्पतालका मेसु प्राडा कृष्णप्रसाद पौडेलले एचआईभी संक्रमितको उपचार पनि सरकारी अस्पतालभित्रै पाउँदा विरामीलाई सहज भएको भन्दै उपचारमा विरामीको पहुँच बढेको बताए । आगामी दिनमा पनि अस्पतालले संक्रमितको उपचारको लागि अस्पताल थप सक्रिय बन्ने भन्दै यसको न्यूनिकरण र निराकरणका सदैव आफ्नो सहयोग रहने बताए ।
कार्यक्रममा सहभागी अन्य वक्ताहरुले पछिल्ला दिनमा एचआईभी संक्रमित खुल्दै गएको र उनीहरुनै सचेतना अभिवृद्धिमा लागेको बताए । समाजमा एचआईभीबाट पनि बच्न सकिन्छ भन्ने सन्देश दिनु पर्ने भन्दै अभिमुखिकरण र सचेतनाका कार्यक्रमलाई निरन्तरता दिनुपर्ने उनीहरुको भनाई थियो ।
