चितवन । पछिल्ला दिनहरुमा कोरोनाको संक्रमण बढ्दै जांँदा चितवनमा पनि संक्रमणको ग्राफ बढ्दै गएको छ । चितवनमा कोरानाकै कारण एकजनाको मृत्यु भएको छ । मृत्यु हुनेमा भरतपुर महानगरपालिका–१० का ६४ वर्षीय पुरुष रहेका छन ।
स्वास्थ कार्यालय चितवनका अनुसार निमोनियाका कारण चितवन मेडिकल कलेजमा उपचाररत उनको शनिबार मृत्यु भएको हो । चैत ३० गते कोरोना सङ्क्रमण पुष्टि भएको थियो ।
हाल चितवनमा अहिले दशजना सक्रिय सङ्क्रमित छन् । कार्यालयको तथ्याङ्क अनुसार भरतपुर महानगरपालिकामा आठ, रत्ननगर र कालिका नगरपालिकामा एक÷एक रहेका छन् । सङ्क्रमित सबै होम आइसोलेशनमा रहेको कार्यालयले जनाएको छ ।
