स्वच्छ मासुको लागि व्यवस्थित पशु बधशाला निर्माण गर्दै भरतपुर महानगर

चितवन । भरतपुर महानगरपालिकाले व्यबस्थित पशु बधशाला निर्माण गर्ने भएको छ । बजारमा छरिएका , अब्यबस्थित र मापदण्ड बिपरित सञ्चालन भएका पशु बधशालालाई मापदण्डअनुसार सञ्चालन गर्ने गरि निर्माण गर्ने तयारीमा महानगरपालिका जुटेको हो ।

आज महानगरपालिकामा आयोजित कार्यक्रममा प्रत्येक महानगरपालिकामा अनिवार्य रुपमा ब्यबस्थित पशु बधशाला निर्माण हुनुपर्ने प्राबधान अनुसार व्यवस्थित बधशाला बनाउन लागिएको बताउनु भयो । ब्यबस्थित पशु बधशाला निर्माण समितिका सयोजक समेत रहनु भएका उप प्रमुख अधिकारीले अबको केही समय भित्रैमा महानगरबासीहरुले आशा गरेअनुसारको ब्यबस्थित पशु बधशाला बन्ने बताउनु भयो ‘हामी गृहकार्यमा जुटिरहेका छौ,विभिन्न चरणहरुमा प्रारम्भिक कार्यहरु भइरहेका छन ।’ नगर उप प्रमुखले भन्नुभयो । महानगरवासीलाई स्वच्छ सफा मासु उपभोग गर्ने अधिकार दिलाउन व्यवस्थित बधशाला निर्माण गर्न लागिएको उपप्रमुख अधिकारीको भनाई छ ।

यसको स्थापना र व्यवस्थापनका लागि भरतपुर महानगरपालिका र एनिमल नेपालको सयुक्त आयोजनामा सोमबार महानगरपालिकामा एक दिने पशु बधशाला तथा मासु ब्यबसाय ब्यबस्थापन सम्बन्धि कार्यशाला गोष्ठी समेत भएको छ ।

गोष्ठीमा बोल्दै एनिमल नेपालका केन्द्रिय कार्यक्रम ब्यबस्थापक सुरक्षा राणाले महानगर ब्यबस्थित पशु बधशाला निर्माण कार्यमा जुटेकोमा खुशी व्यक्त गर्दै एनिमल नेपाल हातेमालो गर्न तत्पर रहेको बताउनु भयो ।

भरतपुर महानगरपालिकामा हाल ५ वटा पशु बधशालाहरु रहेका छन भने जिल्लामा १० वटा बधशाला रहेको एनिमल नेपाल चितवनका प्रतिनिधि रामचन्द्र आचर्यले जानकारी दिनु भयो । उहांँका अनुसार भरतपुर महानगरपालिकाको नारायणगढ क्षेत्रमा रहेका बधशालाहरु सबै मापदण्ड बिपरित रहेका छन ।
पशु बधशाला र मासु जाँच नियमावली २०५७ को नियम २१ ले दिएको अधिकार प्रयोग गरि पशु सेवा बिभागले पशु बधशाला र मासु जाँच प्राबिधिक निर्देशिका स्वीकृत गरेको छ।