नेपाल पुलिस स्कुल शान्तिपुरको आंँखा शिविरमा ५२० विद्यार्थीले लिए सेवा

चितवन । नेपाल पुलिस स्कुल शान्तिपुर चितवनले आज आखा शिविर कार्यक्रम सम्पन्न गरेको छ । शिबिरमा विद्यालयका कक्षा एक देखि कक्षा नौ सम्मका ५२० जना विद्यार्थी को आँखा चेकजाँच गरिएको हो ।
भरतपुर आँखा अस्पतालका नेत्र सहायक सुबास सापकोटा र उहाँको टिमले आँखा चेक जाँच गर्नु भएको थियोे। चेकजाँच गर्ने क्रममा समस्या देखिएका विद्यार्थीलाई औषधि तथा चस्मा आवश्यक विद्यार्थीहरुलाइ चस्मा पनि वितरण गरिएको थियोे ।

विद्यालयले आफ्नो संस्थागत सामाजिक उत्तरदायित्व बहन गर्दै समय समयमा विद्यार्थीहरुको स्वास्थ्य परिक्षण गर्दै आइरहेको बताएको छ । विद्यालयका प्राचार्य मुकुन्द गिरिले स्वागत तथा शुभकामना मन्तव्य व्यक्त गर्नुहुँदै विद्यालयले विद्यार्थी को मानसिक साथै शारिरिक स्वास्थमा पनि बिचार पुर्याउनु पर्ने बताउनु भयो । रोग लागेर उपचार गर्नु भन्दा रोग लाग्न नै नदिनु उत्तम उपाय भएको कुरा मनन गर्दै विद्यार्थीहरुको स्वास्थ जाँचका कार्यक्रम संचालन गरेको उहांँले बताउनु भयो ।

विद्यालयका समादेशक चन्द्र कुमार सिंहले कार्यक्रममा धन्यवाद ज्ञापन गर्नुभएको थियो ।बिध्यालयका क्याप्टेन श्रीजल सुबेदीको अध्यक्षतामा कार्यक्रम सम्पन्न भएको हो ।