नारायणी अस्पताल १३१औं वर्षमा प्रवेश : अस्पतालमा दक्ष जनशक्ति अत्यधुनिक प्रविधि र प्रभावकारी सेवा भनिएपनि बिरामीको विश्वास जित्न किन सकिरहेको छैन ?

बीरगञ्ज । देश संघीयतामा गएपछि संघ, प्रदेश र स्थानीय तहका आ–आफ्नै खाले अधिकार र जिम्मेवारीको दायरा निर्माण भएको छ ,भने सोही अनुसार कार्य सम्पादन भैरहेको पनि देखिन्छ । स्वास्थ्य क्षेत्रको विकासक्रमलाई हेर्दा तुलनात्मकरुपमा काठमाडौं संगै बाहिरका सबैजसो शहरहरुबाट बिरामीले पाउने स्वास्थ्य सेवाहरुमा अत्यधुनिक प्रविधिको विकास भैरहेका छन् ।

स्वास्थ्य क्षेत्रको सबैभन्दा पाको संस्थाको रुपमा चिनिने बीर अस्पताल संगै काठमाडौं बाहिर वि.स. १९४९ मा तत्कालीन राणा प्रधानमन्त्रीबाट पृथ्वी वीर अस्पताल नामाङ्करण गरि स्थापना गरिएको हालको संघीय नारायणी अस्पताल ( सरकारी ) ले आफ्नो स्थापनाको १३१औं वर्षमा प्रबेश संगै दक्ष जनशक्ति ,उच्च प्रविधि र सेवाहरु विरामीहरुको लागि सहज र गुणस्तरिय बनाउने प्रयास गरेको बताएको छ ।
अस्पतालले दिएको जानकारी अनुसार हाल ५०० बेडको मान्यता प्राप्त यस संस्थामा तराईका सबैजसो जिल्ला र भारतका सिमा नजिकबाट ठुलो संख्याका बिरामीहरु दैनिक स्वास्थ्य उपचारका लागि यहाँ आउने गरेका छन ।

तर विरामीहरु भने अस्पतालबाट प्रदान गरिने सेवा सुविधा समयमै सहज र अनुकुल नभएको कारण सास्ती पाएको गुनासो गर्दै आएका छन ।
हाम्रो स्वास्थ्य दर्पण टिमले यसै विषयको सेरोफेरोमा रही नारायणी अस्पताल( सरकारी ) ले १३१ वर्ष मनाउँदै गर्दा विरामीहरुको लागि नयाँ अबका सेवा तथा सुविधाहरु के कस्ता छन् ,भन्ने बिषयमा अस्पतालका निमित्त प्रमुख मेडिकल सुपरिटेन्डेन्ट डा. चितरन्जन शाह संग भिडियो कुराकानी गरेका छौं । प्रस्तुत छ, डा. शाहसंगको अस्पताल केन्द्रित कुराकानीको सारसंक्षेप ।

Video link