काठमाडौँ । नेपाल फर्मा एक्स्पो सन् २००५ सालदेखि हरेक दुई–दुई बर्षमा आयोजना हुँदै आइरहेको छ ।
पहिलोदेखि छैटौसम्म फर्मा एक्स्पो काठमाडौँमा गरिएको थियो भने सातौ देखि नवौंसम्मको एक्स्पो चितवनको भरतपुरमा गरिंँदै आएको छ । काठमाडौँको भृकुटीमण्डपमा हुंँदै आएको एक्स्पोमा सातौ संस्करणदेखि लगातार चितवनमा हुँदै आएको छ ।
एक्स्पोका संयोजक प्रभात रुगंटाले काठमाडौँमा गर्ने भनिएको एक्स्पो भृकुटीमण्डपको प्रर्दशनी स्थल खाली नभएकोले नगरिएको बताए । “अन्तराष्ट्रिय सेड्युल अनुसार हाम्रो पालो अंग्रेजी महिनामा मार्चको पहिलो र दोस्रो हप्ता पर्ने गर्दछ” उनले भने, “तर त्यही वेला नै भृकुटीमण्डमा रहेको प्रर्दशनी हल अग्रीम नै बुकिङ हुने गर्दछ । हामीले एक्स्पो गर्दा प्रर्दशनी हल बुकिग भइसकेकोले यसपटक पनि चितवनको चितवन एक्स्पो सेन्टरमा एक्स्पो गर्न थालेका हौ ।” चितवनमा फर्मा एक्स्पो गर्दा यातायातको सहज पहुंँच र देशकै केन्द्र विन्दुमा भएकोले चितवनमा गर्न लागेको उनको भनाई छ ।
‘यसअघि गरिएको एक्स्पोपनि राम्रोसंँग सफल भयो, अहिले पनि चितवनमा गर्दा यातायातको सहज पहुंँच र सबै जिल्लाको केन्द्र भएकोले पनि चितवन सबैको लागि पायक पर्छ ।’ रुंगटाले भने ।
चितवन प्रर्दशनी केन्द्रमा तीन वटा ठूला हल र पार्किङको पनि राम्रो व्यवस्था भएकाले चितवन रोजेको उनले बताए ।
अन्तर्राष्ट्रिय रुपमा विभिन्न देशमा बर्षभरि नै चल्ने फर्मा एक्स्पो नेपालको पालो मार्च महिनाको पहिलो र दोस्रो साता आउने गर्दछ । बंगलादेशले एक्स्पो सकेपछि मात्र नेपालको पालो आउने अन्तर्राष्ट्रिय सेड्युल रहेको छ ।
“बुटवलका साथी हामीले गर्छौं भन्नु भएको थियो । तर त्यहाँको प्रर्दशनी हल अझै बनिनसकेकोले हामीले यसपटक पनि चितवनमा नै एक्स्पो गर्न थालेको हौ । एक्स्पोको अर्को संस्करण अव हामीले कि काठमाडौँ कि बुटवल गर्ने छौ ।” उनले भने ।
उनले चितवनबाट एक्स्पो सकिने वित्तिकै भृकुटीमण्डलको प्रर्दशनी स्थल बुकिङ गर्ने बताए ।
“अवको १० औ नेपाल फर्मा एक्स्पो काठमाडौँमा नै गर्न सकिन्छ कि भन्ने हामीले लागेको छ । अहिलेको एक्स्पो सकिने वितिकै एक्स्पो कमिटीको हामी बैठक बस्छौं र विदेशी पाहुनासंग छलफल गरेर अब दुई बर्षमा सन् २०२६ को हुने एक्स्पोको मार्च महिनाको पहिलो साताका लागि समय नै भृकुटीमण्डपको प्रर्दशनी हल अग्रिम बुकिङ गर्दछौ,” उनले भने । चितवन प्रर्दशनी केन्द्रमा हुने एक्स्पोमा यही फागुन २५ गतेदेखि २७ गतेसम्म हुँदैछ ।
