बागमती श्रेष्ठ ,चितवन । भरतपुर आंँखा अस्पतालले एकैदिन १३५ जनाको आँखाको मोतियाविन्दु शल्यक्रिया गरेको छ ।
पर्सा जिल्लाको जगरनाथपुर गाउंँपालिका र जीराभवानी गाउंँपालिकाका चारवटा वडाहरुमा गरेको निशुल्क आंँखा परीक्षण तथा शल्यक्रिया शिविरमा सोमबार सम्म कुल १हजार ७३४ जनाकोे आंँखा परीक्षण गरिएको थियो । उक्त शिविरमा सोमबार डाक्टर पुष्पा गिरी श्रेष्ठले एकैदिन १३५ जनाको शल्यक्रिया गर्न सफल भएको अस्पतालका बाह्य कार्यक्र संयोजक रमेश घिमिरेले जानकारी दिए ।
यो अस्पतालको इतिहासमै एकैदिन यतिधेरै संख्यामा मोतियाविन्दुको शल्यक्रिया पहिलोपटक गरिएको घिमिरेले बताए ।
अस्पतालले देशभर आंँखा उपचारमा पहुंँच पुरयाउन र विपन्न समुदायलाई लक्षित गरी आंँखा शिविरको आयोजना गरिएको घिमिरेको भनाई छ ।
उनका अनुसार गाउंँपालिकाको व्यवस्थापन र डाक फाउण्डेशनको आर्थिक सहयोगमा उक्त शिविर फागुन १९ देखि सञ्चालन हुंँदै आएको छ । आंँखाका अन्य बिरामीलाई चश्मा तथा औषधी निःशुल्क वितरण गरिएको संयोजक घिमिरेले बताए । शिविरमा अस्पतालका चिकित्सक डाक्टर पुष्पा गिरी श्रेष्ठ र डाक्टर राजा हुसेन अन्सारीले आंँखाको उपचार तथा शल्यक्रिया गरेका थिए । निःशुल्क आंँखा शिविर कार्यक्रम फागुन २५ गते सम्म चल्नेछ । अस्पतालले बढीभन्दा बढी आंँखा बिरामीलाई सेवा लिनसमेत आग्रह गरेको छ । अस्पतालले देशभर आंँखा उपचारमा पहुंँच पुरयाउन र सचेतना गर्न स्वास्थ्य शिविर सञ्चालन गर्दै आएको छ ।
