चितवन । भरतपुर अस्पतालमा नवनिर्मित ब्लड बैंक सञ्चालनमा आएको छ । बैंकको एक कार्यक्रमका बीच आज भरतपुर महानगरपालिका प्रमुख रेनु दाहालले गरिन् ।
उद्धघाटनपछि प्रमुख दाहालले भरतपुर अस्पताल आउने विरामीलाई रगत पाउन झन्झटिलो प्रक्रिया अब भने अन्त्य भएर जाने विश्वास व्यक्त गरिन् । आगामी दिनमा बैंकको स्तरोन्नति गर्ने, सेवा विस्तार गर्ने योजना बनाउन जोड पनि दिइन् ।
भरतपुर मेडिकल सिटी भएकाले छिमेकी जिल्ला लगायत भारतबाट पनि विरामी आउने भएकाले रगतको धेरै माग रहेकाले यो केन्द्रले रक्तसञ्चारको कामलाई थप व्यवस्थित गर्दै लैजाने अस्पतालका प्रमुख सुपरिटेण्डेण्ट श्रीराम तिवारीले बताए ।
अहिले भरतपुर अस्पतालमा भइरेको पूर्वाधार विकास आशा लाग्दो ढङ्गबाट अगाडि बढिरहेको पनि उनको भनाई थियो ।
कार्यक्रममा भरतपुर अस्पतालका अध्यक्ष राजु पौडेल, रेडक्रस सोसाईटी चितवनका अध्यक्ष हरि पौडेल लगायतले मन्तव्य व्यक्त गरेका थिए ।
ब्लड बैंक सञ्चालनमा आएसँगै भरतपुर अस्पताल उपचार गर्न आउने विरामीले सहजै रगत केन्द्र अस्पतालको बी ब्लकमा रहेको छ । ब्लड बैंक सञ्चालनका लागि करिब ३५ लाख रुपैयाँ खर्च भईसकेको मेसु तिवारीले बताए । चितवनमा हालसम्म नेपाल रेडक्रस सोसाईटीले सञ्चालन गरेको रक्त सञ्चार केन्द्र (ब्लड बैंक) बाट मात्रै बिरामीले रगत लिने व्यवस्था रहेको थियो । रेडक्रसको ब्लड बैंक पनि भरतपुर अस्पताल परिषरमै छ ।
