याङ्गुन । दक्षिणी म्यान्माको अय्यारवाडी क्षेत्रमा खानामा विषाक्तताका कारण ११ बालबालिका सहित ४५ जनालाई अस्पतालमा भर्ना गरिएको स्थानीय उद्धार संस्थाका एक अधिकारीले बताएका छन् ।
उक्त क्षेत्रको लबुट्टा नगरपालिकाका पीडितहरू सोमबार मसलादार अण्डाको तरकारी खाएपछि बिरामी परेको ती अधिकारीले बताए ।
प्रभावितमा दैनिक मजदुर र उनीहरूका परिवारका सदस्यहरू रहेका छन् । मजदुरहरूले आफ्नो कार्यस्थलमा तरकारी प्राप्त गरकोे र परिवारसँग बाँड्न घर ल्याएका थिए ।
एकतीस जना पीडितलाई मङ्गलबार अस्पतालबाट डिस्चार्ज गरिएको अधिकारीले बताउनुभयो । रासस
