दुरबीनले गर्ने सर्जरी बढी प्रभावकारी कम पीडादायी हुन्छ : डा. पोखरेल

विश्वमा सूचना प्रविधिले फड्को मारेसंँगै स्वास्थ्य क्षेत्रमा पनि प्रविधिले गति लिंदै गएको छ । जसका कारण सामान्य सर्जरी देखि जटिल सर्जरीपनि नेपालमा हुन थालेका छन । स्वास्थ्य क्षेत्रमा दक्ष जनशक्ति उत्पादनका साथै स्वास्थ्य संस्थाहरु पनि खुल्ने क्रम बढ्दो छ । नेपालका चिकित्सकहरुले पनि प्रविधिको माध्यमद्धारा सफल सर्जरी र शल्यक्रिया गरेका थुप्रै उदाहरण छन । पछिल्लो समय सर्जरीमा दुरबीनबाट गरिने सर्जरी बढी लोकप्रिय र सहज बन्दै गएको छ ।

नेपालका ठूला अस्पताल देखि मध्यम स्तरका अस्पतालले पनि यो प्रविधि प्रयोग गर्न थालेका छन । ओपन सर्जरी भन्दा कैंयो गुना दुरबीनबाट गरिने प्रविधि बढी प्रभावकारी हुने चिकित्सकको दाबी छ । मेडिकल सिटीको रुपमा परिचय बनाउंँदै आएको चितवनका अस्पतालहरुले पनि दुरबीनबाट गरिने प्रविधिबाट अभ्यस्त भइसकेका छन ।

बिरामीको चाहना, पीडा तथा कम हानी, शल्यक्रिया गर्न सहज ,र घाउ पनि सानो हुने भएकोले पनि यो प्रविधि बढी प्रख्यात भएको हो । अस्पतालरोडमा रहेको भरतपुर सामुदायिक अस्पतालमा पनि दुरबीनबाट गरिने सर्जरीको माध्यमबाट बिरामीको उपचार गरिदै आएको छ । यहांँपनि दक्ष चिकित्सक द्धारा अधिकांश शल्यक्रिया विभिन्न प्रविधिबाट गरिदै आएको छ ।

अस्पतालका अंकोलोजिष्ट ज्ञान प्रसाद पोख्रेलका अनुसार अस्पतालमा पेटमा , प्रसुति, मृगौला, क्यान्सर लगायतका सर्जरी गर्नका लागि दुरबीनबाट गरिने प्रविधि बढी लाभदायी हुंने गर्दछ । दुरबीनबाट गरिने शल्यक्रिया के हो? यो प्रविधिबाट कसरी बिरामीको सर्जरी गरिन्छ , पुरानो प्रविधि र यो प्रविधिमा फरक के छ ? यसबाट गरिने प्रविधिले बिरामीलाई के कस्तो फाइदा गर्छ भन्ने बिषयमा कुराकानी गरेका छौं । थप जानकारी तलको भिडियो लिंकमा गएर हेर्न सक्नुहुनेछ ।