अस्ट्रेलियाद्वारा बदाम एलर्जी भएका बच्चाहरूको लागि विश्व–पहिलो उपचार मोडेल सुरू

क्यानबेरा । अस्ट्रेलियाले बदामको एलर्जी भएका बच्चाहरूका लागि विश्वको पहिलो ओरल इम्युनोथेरापी (ओआइटी) कार्यक्रम सुरु गरेको छ ।

एडेबट ओआइटी कार्यक्रमअन्तर्गत बदामबाट एलर्जी भएका १२ महिनाभन्दा मुनिका बालबालिकाहरूलाई जीवन–खतरनाक अवस्थामाथि विजयी हुने आशामा एलर्जीप्रति सहिष्णुता बढाउन बदामको धुलोको दैनिक खुराक दिइनेछ ।

पाँच राज्यका १० वटा सार्वजनिक बाल अस्पतालले उपचार प्रदान गर्न सरकारद्वारा अनुदान प्राप्त राष्ट्रिय एलर्जी केन्द्र उत्कृष्टता (नास) सँग साझेदारी गरेका छन् । मुख्यधाराको हेरचाहमा प्रस्ताव गरिएको बदामको एलर्जीका लागि यो पहिलो राष्ट्रव्यापी ओआइटी कार्यक्रम हो ।

स्वास्थ्य सहायकमन्त्री गेड केर्नीले बुधबार विज्ञप्तिमा उक्त कार्यक्रम बदामको एलर्जी भएका अस्ट्रेलियालीहरूका लागि ‘गेम चेन्जर’ हुनसक्ने बताउनुभयो । “आजको घोषणा शिशुहरूमा घातक बदाम एलर्जीविरुद्ध लड्ने दिशामा ठूलो कदम हो”, उहाँले भन्नुभयो ।

यो निःशुल्क कार्यक्रम १० सहभागी अस्पतालहरूमा एलर्जी विशेषज्ञहरूबाट हेरचाह प्राप्त गर्ने योग्य शिशुहरूलाई प्रस्ताव गरिनेछ ।

कार्यक्रममा रहेका बच्चाहरूले बदाम पाउडरको खुराक सुरु गर्नुअघि उनीहरूको बदामको एलर्जी पुष्टि गर्न पहिले खाना परीक्षण गरिने छ ।

साथै घरमा दैनिक निर्धारित डोज लिएको एक महिनापछि तिनीहरू डोज बढाउन अस्पताल फर्कनेछन् ।

यो प्रक्रिया दुई वर्षसम्म जारी रहनेछ । त्यसपछि तिनीहरू छूटमा छन् कि छैनन् भनेर निर्धारण गर्न अर्को खाना परीक्षण सञ्चालन गरिनेछ ।

यस कार्यक्रमको नतिजा नासद्वारा विश्लेषण गरिनेछ । यदि यो कार्यक्रम सफल भयो भने थप अस्पताल र निजी स्वास्थ्य क्लिनिकहरूद्वारा अपनाउन सकिन्छ ।

विश्वमा अस्ट्रेलियाका बालबालिकामा खानाको एलर्जी सबैभन्दा बढी छ ।

मेलबर्नको मर्डोक चिल्ड्रेन्स रिसर्च इन्स्टिच्युट (एमसिआरआई) का अनुसार अस्ट्रेलियाका १० मध्ये एक र प्राथमिक विद्यालय जाने उमेरका २० मध्ये एक बच्चालाई खानाको एलर्जी हुन्छ ।

गम्भीर एलर्जी प्रतिक्रिया एनाफिलेक्सिसका कारण अस्ट्रेलियाका अस्पतालहरूमा भर्ना हुने गम्भीर पछिल्लो २० वर्षमा तीन सय ५० प्रतिशतले बढेको छ । यसमा बदाम सबैभन्दा सामान्य कारण हो । रासस