कतै गर्भाशयमा भएको बच्चा विकलांक त छैन ? यसका लागि गर्भाशयमा गरिने एनोमली स्क्यान केहो ?

स्वास्थ्य क्षेत्रमा प्रविधिको विकास संँगै रोगको पहिचान र निराकरण पनि छिटो र सहज हुंँदै गएको छ । हाम्रा भित्री अंगहरुमा भएका समस्या र रोगको बारे पहिचान र निको पार्न यस्ता प्रविधिहरु वरदान सावित छन । जनशक्ति संँगै स्वास्थ्य क्षेत्रको नवीनतम प्रविधिका कारण हरेक भित्री अंगहरुको समस्या र उपचार गर्न यस्ता धेरै प्रविधिहरु नेपाल भित्रिसकेका छन । मुटु, मस्तिष्क, फोक्सो हाडजोर्नी, कलेजो, पेट, मृगौला, आदिका लागि पनि अलग अलग उपचार गर्ने प्रविधिले स्वास्थ्य क्षेत्रमा काम गर्ने जनशक्ति र विरामीलाई पनि सहजता भएको छ ।

त्यस्तै प्रविधिमध्ये गर्भाशयमा गरिने एनोमली स्क्यान प्रविधि पछिल्लो समय प्रचलित हुंँदै गएको छ । यो एकप्रकारको भिडियो एक्सरे प्रविधि भएपनि यसले गर्भावस्थामा भएको बच्चाको शारिरीक विकास, अवस्थाका बारेमा जानकारी दिने गर्दछ । जसले गर्दा गर्भवती महिलाले आफ्नो बच्चाको टाउको देखि खुट्टासम्म र भित्री अंगहरुको बिकासको क्रम र अवस्था बारे सजिलै जानकारी लिन सक्छिन । यसले गर्दा कतै गर्भाशयमा विकलांक बच्चा त छैन भन्ने जानकारी पनि प्राप्त हुन्छ र यसलाई डाक्टरको सल्लाह अनुसार समयमै व्यवस्थापन गर्न पनि सकिन्छ ।

भिडियो एक्सरे सबै विरामी तथा सेवाग्राहीबीच परिचित भएपनि बिशेषगरी गर्भाशयमा गरिने एनोमली स्क्यान के हो ? किन गरिन्छ,?, यसको आवश्यकता किन ? यसले स्वस्थ बच्चा जन्माउन कत्तिको मदत पुग्दछ ? यो कति समयमा गर्दा उपयुक्त हुन्छ लगायतका बिषयमा भरतपुर सामुदायिक अस्पतालमा कार्यरत वरिष्ठ रेडियोलोजिष्ट डा.केशव पौडेलसंँग कुराकानी गरेका छौं । थप जानकारी तल दिईएको भिडियो सन्देश मार्फत प्राप्त गर्नसक्नुहुनेछ ।