रेडियोलोजी के कस्तो बिरामी हुंँदा गर्ने ? यसको धेरै प्रयोग स्वास्थ्यको लागि सांँच्चिकै घातक छ त ?

कुनैपनि रोगको डायोगोनिस र उपचारको लागि रेडियोलोजी प्रविधि उच्चतम प्रविधि हो, मानिसमा बिशेषगरी भित्री अंगहरुमा हुने समस्याको पहिचान गर्न रेडियोलोजी प्रविधि प्रयोग र प्रचलित छ ।
यस विधा अन्तर्गत एक्सरे, फ्लुरोस्कोपी, एन्जियोग्राफी, म्यामोग्राफी, अल्ट्रासाउन्ड, सिटी स्क्यान, भिडीयो एक्सरे, एमआरआइहरु पर्दछन्। यसको प्रयोग गरेर शरीरमा अत्यन्त सानो घाउ बनाएर गर्ने अपरेसनहरुलाई इन्टरभेन्सन रेडियोलोजी भनिन्छ । तर रेडियोलोजी प्रति कतिपय मानिसको गलत बुझाई पनि छ । यसको विकिरणले क्यान्सर , हाडजोर्नी तथा अन्धोपनको समस्या हुने भ्रमपनि व्याप्त छ , तर पछिल्लो समयममा आएको उच्चतम प्रविधिका कारण यो बुझाईमा रेडियोलोजिष्टहरु सहमत छैनन ।

बढ्दो रिसर्च र प्रविधिको फड्कोले यो विधालार्ई थप उत्कृष्ट बनाउदै लगेको छ। शरीर चिरेरनै गर्न पर्ने कतिपय शल्यक्रिया पनि आज शरीर नचिरिकनै सम्भव भएका छन्।
रेडियोलोजी विधाको विस्तारसंँगै यस विधामा पनि थुप्रै प्राविधिक र जनशक्तिको वृद्धि भएको छ । हाल देशभर सातसय बढी रेडियोलोजी विधामा चिकित्सकहरु कार्यरत छन । रेडियोलोजि के हो? किन यसको आवश्यक पर्दछ, यसको प्रयोग कसरी र कुन कुन रोगमा गरिन्छ भन्ने बिषयमा झण्डै चारदशकदेखि यस विधामा काम गर्दै आउनु भएका हाल मेडिसिटी अस्पतालमा कार्यरत वरिष्ठ रेडियोलोजिष्ट डा. रामकुमार घिमिरेसंँग गरिएको कुराकानी। थप सन्देश तलको भिडियोमा उपलब्ध छ ।