चितवन । भरतपुरस्थित कान्तिपुर डेण्टल कलेज टिचिङ हस्पिटल एण्ड रिसर्च सेन्टर, चितवनको आयोजनामा २ दिने निशुल्क दन्त शिविर सम्पन्न भएको छ । भरतपुरमा रहेको गुरुकुल स्कूल अफ साइन्स एण्ड म्यानेजमेन्टमा अध्ययनरत विद्यार्थी तथा अभिभावकहरुको दन्त परीक्षण गरिएको हो ।
निशुल्क दन्त शिविरमा पुरुष ४६७ जना र महिला ४०४ जना सहित जम्मा ८७१ जनाको मुख तथा दन्त रोग सम्बन्धी परीक्षण तथा स्वास्थ्य सचेतना कार्यक्रम संचालन गरिएको थियो । आयोजित शिविरमा दाँत चेकजाँच गर्दा दाँत भाचिएर ठूटा भएका,दाँत किराले खाएको समस्या र गिजाँको समस्याका विरामी देखा परेको डेण्टल सर्जन डा.अस्मिता कार्कीले जानकारी दिनुभयो ।
दुई दिनसम्म संचालन गरिएको दन्त शिविरमा सहभागीलाई मानव जीवनमा मुख र दाँतको महत्व, यसले दैनिकी जीवनमा खेल्ने भुमिका र दन्त रोग लाग्नै नदिन गर्नुपर्ने कार्यहरुको विषयमा दन्त रोग विशेषज्ञद्धारा सचेतना कार्यक्रम समेत संचालन गरिएको थियो ।
( फोटोसहित )
