सौराहा । नेपाल राष्ट्रिय मुटु तथा फोक्सो समाजको अन्तराष्ट्रिय सम्मेलन चितवन जिल्लाको पर्यटकीय सहर सौराहामा आजबाट सुरु भएको छ । सौराहास्थित होटल सेभेन स्टारमा मुटुको भिडियो एक्स–रे (ईकोकाडियोग्राफी ) सम्बन्धी पहिलो अन्तराष्ट्रिय सम्मेलन आयोजना गरिएको हो ।
सम्मेलनको उद्धघाटन समाजका अध्यक्ष डा. शंकर लौडारी, संस्थाका संस्थापक अध्यक्ष प्राडा.श्याम राज रेग्मी , निवर्तमान अध्यक्ष प्राडा. मणीप्रसाद गौतम , महासचिव डा.सचिन ढुंगेल लगायतले संयुक्त रुपमा पानसमा दीप प्रज्वलन गरी उद्घाटन गर्नु भएको हो।
सम्मेलनको पहिलो दिन आज डा.मणी प्रसाद गौतम, डा. अच्युतनन्द कर्ण, डा.सम्पूर्णरत्न तुलाधर ,डा. रिजु मानन्धर, डा. राजेन्द्र प्रसाद कोजू, डा.सञ्जय मितल, डा.दिप्पनकर प्रजापति ,डा.विशाल केसी,डा. चन्द्रमणि अधिकारी, डा.राहुल मीहोत्र,डा.सचिन ढुंगेल र डा.नवराज पौडेल सहित करिब १२ जना मुटु रोग विशेषज्ञले मुटुरोगको पहिचान र उपचारमा मुटुको भिडियो एक्सरेको विकासले पुरयाएको महत्वपूर्ण भूमिकाबारे कार्यपत्र प्रस्तुत गर्नु भएको थियो ।
सम्मेलनमा विदेशी अतिथि सहित नेपालका सय जना मुटु रोग विशेषज्ञ र स्वास्थ्यकर्मी सहित करिब दुइसयजनाको सहभागिता रहेको संस्थाका अध्यक्ष डा.शंकर लौडारीले जानकारी दिनुभयो।
कार्यक्रम भोलि असोज ५ गते औपचारिक कार्यक्रम सहित समापन हुने संस्थाका संस्थापक अध्यक्ष प्राडा.श्याम राज रेग्मीले बताउनु भयो।
