नवलपरासी ,पश्चिम् । सम्भावित क्षयरोगका बिरामीको प्रिभेन्टिभ थेरापी विधिबाट उपचार गर्ने उद्देश्यले पश्चिम नवलपरासी र रुपन्देही गरी दुई जिल्लामा परियोजना लागू भएको छ । नेपालमा बढ्दो अवस्थामा रहेको क्षयरोगलाई नियन्त्रणका लागि रुपन्देही र नवलपरासीमा विशेष परियोजना लागू भएको हो ।पश्चिम् नवलपरासीमा पछिल्लो आर्थिक बर्सहरूको तथ्याङ्क हेर्दा बालबालिका सहित बर्सेनि क्षयरोगको सङ्ख्या बढ्दो देखिएको छ ।
राष्ट्रिय क्षयरोग नियन्त्रण केन्द्र अन्तर्गत विराट नेपाल मेडिकल ट्रस्ट ( बि.एन.एमटि ) संस्था द्वारा यी दुई जिल्लामा सि.आर.आई.टि.आई.सि नामक परियोजना लागू भएको गरिएको हो । द युनियनको आर्थिक सहयोगमा सञ्चालन हुने परियोजना तीन वर्ष सम्म चल्ने छ ।
परियोजना अन्तर्गत क्षयरोगका बिरामी सँग नजिक रहेका घरपरिवारका सदस्यहरूको खकार परीक्षण गर्ने , छातीको एकसरे गर्ने र सिवाईटिबी परीक्षण पश्चात् रिपोर्टका आधारमा औषधी चलाइने योजना रहेको राष्ट्रिय क्षयरोग नियन्त्रण केन्द्रका सिनियर मेडिकल टेक्नोलजिस्ट पद्यमानभ घिमिरे जानकारी दिनुभयो ।
परियोजना अन्तर्गत सम्भावित क्षयरोगका बिरामीको सम्पर्कमा आएको र जोखिम समूहमा रहेका व्यक्तिहरूको पहिचान गरी उनीहरूलाई क्षयरोग सम्बन्धी समस्या नआउने भन्ने उद्देश्यले प्रिभेन्टिभ थेरापी विधिबाट उपचार सेवा दिइने परियोजनाका तथ्याङ्क व्यवस्थापन अधिकृत अस्मिता रायमाझीले जानकारी दिनुभयो ।
परियोजना अन्तर्गत सम्भावित क्षयरोगी पत्ता लाग्ने छन् भने सम्भावित क्षयरोग लाग्ने समय बिरामीलाई समयमै उपचार हुने विश्वास लिइएको स्वास्थ्य कार्यालय पश्चिम नवलपरासीका प्रमुख गैरभ ढकालले जानकारी दिनुभयो ।
क्षयरोगीको सम्पर्कमा रहेको व्यक्तिहरूको पहिचान गरी उनीहरूलाई क्षयरोग सम्बन्धी समस्या नआउने भन्ने उद्देश्यले प्रिभेन्टिभ थेरापी विधिबाट उपचार गरिने पश्चिम नवलपरासीमा करिब ६ हजार २ सय हाराहारीमा नयाँ क्षयरोगी हुन सक्ने पूर्व आकलन गरिएको छ ।
पश्चिम नवलपरासीमा समेत कुष्ठरोगीको सङ्ख्या बढ्दो छ छ । जिल्लामा गत आर्थिक वर्ष २०८०/०८१ को एक वर्षको अवधिमा ६८ जना नयाँ कुष्ठरोगी भेटिएका छन् । जसमा ५ जना १४ वर्षमुनिका बालबालिका रहेका छन् ।
अघिल्लो आर्थिक वर्ष २०७९/०८० मा ७० जना कुष्ठरोगी भेटिएका थिए जसमा एक जना मात्र बालबालिका थिए तर गत आर्थिक वर्षमा भने कुष्ठरोगी बालबालिकाको सङ्ख्यामा पनि वृद्धि भएको छ स्वास्थ्य कार्यालयले जनाएको छ ।
