काठमाडौं : नेपाल आयुर्वेद चिकित्सक संघको नयाँ कार्यसमिति गठन भएको छ। संघको आगामी दुई बर्से कार्यकालका लागि अध्यक्षमा डा श्यामबाबु यादव निर्वाचित भएका छन्। संघको आइतबार सम्पन्न दशौँ राष्ट्रिय सम्मेलनबाट डा यादवको नेतृत्वमा २५ सदस्यीय नयाँ कार्यसमिति चयन गरेको हो।
निर्वाचनको मत परिणामअनुसार संघको बरिष्ठ उपाध्यक्षमा डा. शंकर गौतम र महिला उपाध्यक्षमा ऐश्वर्य श्रेष्ठ निर्वाचित भएका छन्। प्रादेशिक उपाध्यक्षहरूमा प्रदेश १ बाट डा अभिषेक ताम्राकार, मधेश प्रदेशबाट डा सुजित यादव, बागमती प्रदेशबाट डा नन्दन कँडेल र गण्डकी प्रदेशबाट डा सरोजकुमार राय निर्वाचित भएका छन्।
यसैगरी लुम्बिनी प्रदेशबाट लुम्बिनी प्रदेशबाट डा देवराज केसी, कर्णाली प्रदेशबाट डा शंकरप्रसाद रिजाल र सुदूरपश्चिम प्रदेशबाट डा खगेन्द्रबहादुर बम निर्वाचित भएका छन्। महासचिवमा डा. कोपिला अधिकारी, सचिवमा डा प्रेरक रेग्मी, कोषाध्यक्षमा डा शारदा खनाल निर्वाचित भएका छन्।
सदस्यमा डा नरेन्द्र लामिछाने, डा कैलाश न्यौपाने, डा ऋषि केशव भुसाल, डा राजकुमार साह, डा हरि खनाल र डा सुवर्ण पौडेल निर्वाचित भएका छन्। सदस्यमै जनजातितर्फ डा जिनेन्द्र श्रेष्ठ, मधेसीतर्फ डा दीपककुमार मण्डल, महिलातर्फ डा सरिता बजगाईं, दलिततर्फ डा कलावती विक निर्वाचित भएका छन्।
