चितवन । उपप्रधान मन्त्री एवम् शहरी विकास मन्त्री प्रकाशमान सिंहले व्यवस्था परिवर्तन भएसँगै विकासकाे काम पनि भएकाे बताउनुभएकाे छ । शुक्रबार भरतपुरस्थित नेशनल सिटी अस्पताल लिमिटेडकाे भवन समुद्घाटन समाराेहलाई सम्बाेधन गर्दै उपप्रधानमन्त्री सिंहले व्यवस्था परिवर्तन भयाे, अवस्था उस्तै छ भनेर गलत भाष्य बनाउन खाेजिएकाे बताउनुभयाे।
`केही पनि भएकाे छैन भनेर यहाँ जुन भाष्य बनाउन खाेजिएकाे छ । ०४६ पछाडी जन्मिएकाे पुस्तालाई त्याे भन्दा अगाडि कस्ताे थियाे ? थाहा नहुन सक्छ । आफ्नै बुबाहरूसँग,अघिल्लाे पुस्तासँग साेध्न सकिन्छ ,´ उपप्रधानमन्त्री सिंहले भन्नुभयाे,`व्यवस्था मात्रै परिवर्तन भएकाे छैन, विकासकाे काम पनि भएकाे छ । सामाजिक आर्थिक क्षेत्रमा पनि धेरै परिवर्तन भएकाे छ । ´ परिवर्तनकाे आभास हरेक नागरिकमा पुर्याउन केही समय लाग्ने भन्दै सरकारले त्यसका लागि काम गरिरहेकाे बताउनुभयाे ।
त्यस्तै उपप्रधानमन्त्री सिंहले प्राप्त अधिकारलाई सुरक्षित गर्दै अब देशलाई विकासकाे बाटाेमा लैजान सबै लाग्नुपर्नेमा जाेड दिनुभयाे । उपप्रधानमन्त्री सिंहले नेशनल सिटी अस्पताल लिमिटेडकाे नवनिर्मीत भवनकाे उद्घाटन गर्दै अस्पतालले स्वास्थ्य सेवाकाे क्षेत्रमा महत्वपूर्ण याेगदान पुर्याउने विश्वास व्यक्त गर्नुभयाे । हाल अस्पताल १०० बेड शैयाको क्षमतामा संचालित रहेको अस्पतालका प्रबन्ध निर्देशक विक्रम अधिकारीले जानकारी दिनुभयो।
