डा.चितरन्जन शाह । युरोलोजी भनौ वा मृगौला तथा मुत्रनली सम्बन्धी रोगलाई हामीले चिन्ने गर्छौ । पछिल्ला बर्षहरुमा जति प्रविधिको विकास भयो पिसाब सम्बन्धी रोग भएका मानिसको संख्या पनि बढ्दै गएको पाउंँछौ । मानिसको आधुनिक जीवनशैली , खानपानका कारण पिसाब सम्बन्धी विभिन्न रोग लाग्ने गर्छ । प्रायः मानिसमा विभिन्न कारणले मृगौला तथा मुत्रनलीमा पत्थरी तथा क्यान्सर रोग समेत भएको पाउंँछौं । यो रोग विभिन्न कारणले लाग्ने गर्दछ । स्वस्थ पानीको मात्रामा कमी, अस्वस्थ खानपान, धुम्रपान ,मद्यपानका कारणले पनि मृगौला, मुत्रनलीमा पत्थरी तथा यस सम्बन्धि रोग लाग्ने गर्दछ । मृगौला रोगकै कारण पनि निःसन्तान सम्बन्धि समस्या देखा पर्ने गरेको छ ।
बिशेष गरेर मृगौलाको नियमित परीक्षण, स्वास्थ्य सचेतनाको अभाव तथा अस्वस्थकर खानाका कारण बढीमा मात्रामा यो रोग न्यून तथा मध्यम बर्गीय परिवारमा देखिएको पाउंँछौ । ‘प्रेसर र सुगरका बिरामीलाई पनि मृगौला सम्बन्धि रोगको उच्च जोखिम रहने गर्दछ । हामीले पिसाब सम्बन्धी समस्याबाट बच्न मुख्यगरी मृगौलाको बढी सावधानी अपनाउनु पर्ने हुन्छ । एउटा स्वस्थ मानिसले दैनिक कति लिटर पानी पिउने, कतिपटक पिसाब फेर्ने , पिसाब सम्बन्धि रोगका लक्षण के के हुन र मृगौलालाई कसरी बचाउने लगायतका बिषयमा सबै जनाले जान्न निकै आवश्यक छ ।
लेखक डा.चितरन्जन शाह नारायणी अस्पताल ( सरकारी ) वीरगञ्जमा वरिष्ठ युरोलोजिष्ठको रुपमा कार्यरत हुनुहुन्छ ।
