विश्वराम गौतम, औषधि – व्यावसायी । मानव स्वास्थ्यमा औषधिको महत्वपुर्ण भूमिका हुन्छ । बिरामीलाई चिकित्सकले परीक्षण गरेपछि औषधि प्रेस्क्राइब गर्छन । औषधिको गुणस्तरको आधारमा पनि कतिपय रोगहरु छिटो निको हुने गर्दछन । झण्डै आधा शताब्दी अघि मात्र नेपालमा केही अस्पताल र चिकित्सकहरु रहेपनि शतप्रतिशत औषधिमा भारत र अन्य देशको भरपर्नु पथ्र्यो । तर आजका दिनसम्म आईपुग्दा नेपाली औषधि उद्योगले ५० प्रतिशत भन्दा बढी हिस्सा ओगटिसकेको छ । नेपाली औषधि उद्योगमा अहिले झण्डै १ खर्ब लगानी र ८० वटा भन्दा बढी औषधि उद्योगहरु खुलिसकेका छन । नेपाली औषधिको माग बढेसंँगै उद्योगको पनि विस्तार हुंँदै गएको छ ।
नेपाली औषधि उद्योगका उत्पादन बजारमा माग अनुसार औषधि उत्पादन गर्ने क्षमता छ । समग्र रुपमा हेर्दा हाल नेपाली औषधि उद्योगको अवस्था समस्यामा रहेपनि यस क्षेत्रको भविष्य उज्वल नै रहने कुरामा हामी औषधि व्यावसायी सकरात्मक छौं ।
- शुक्रबार, पुष ०५, २०८१ मा प्रकाशित
तपाईको प्रतिक्रिया
संबन्धित शिर्षकहरु
