कस्ता व्यक्तिलाई ढाड दुखाई बढी हुन्छ ? के छन् कम गर्ने उपाय !

मानिसमा हुने विभिन्न रोग तथा समस्या मध्ये ढाड दुखाई पनि ठूलो समस्याको रुपमा देखिदै आएको छ । मानिसको आधुनिक तथा निस्किृय जीवनशैलीका कारण ढाडको समस्या हुने व्यक्तिको संख्यामा दिनप्रति दिन बृद्धि हुंँदै गईरहेको छ ।

ढाड दुखाई बिशेषगरी उमेर पुगेका वा भनौं ४० बर्ष कटेपछि देखिने समस्या भएको चिकित्सकहरु बताउंँछन ।
उनीहरुका अनुसार ८० प्रतिशत नेपालीमा उमेर ढल्किदै गएपछि ढाडको समस्या स्वभाविक रुपमा हुने गर्दछ तर २० प्रतिशतमा थप अन्य समस्या वा रोग लागेर ढाडको समस्या हुने गर्दछ । उमेर पुगेपछि ढाडमा नसा च्यापिने, लिगामेन्ट च्यातिने , हड्ड्ीमा बढी भार पर्दा ढाडको समस्या देखा पर्ने गर्दछ । एउटै पोजिसनमा धेरै समयसम्म रहने, कारखानामा काम गर्ने मजदुर तथा बिशेषगरी सूर्तीजन्य बस्तु सेवन गर्ने व्यक्तिमा यो समस्या बढी देखिने चिकित्सकहरुको भनाई छ ।

तर यसबाट केही हदमा बच्न र यो समस्याबाट छुटकारा पाउन नियमित हल्का शारिरीक व्यायाम, योगा गरेमा , तथा दूधजन्य पर्दाथ एवं पोषणयुक्त खाना नियमित सेवन गरेमा ढाड दुख्ने समस्या कम हुने गर्दछ ।

ढाड,कम्मर, मेरुदण्डको दुखाई के हो ? किन दुख्छ र यसको समस्याबाट बच्न के गर्नुपर्दछ भन्ने बिषयमा केन्द्रित रहेर अर्थोपेडिक तथा स्पाइनल सर्जन र हाल भरतपुर अस्पतालका मेडिकल सुपरिटेण्डेण्ट प्राडा कृष्णप्रसाद पौडेल संँग गरिएको कुराकानी । थप जानकारी तलको भिडियो लिंकमा उपलब्ध छ ।