वीरगञ्जमा अर्थोकोन सम्मेलन सुरु

वीरगञ्ज (पर्सा)। नेपाल अर्थाेपेडिक सङ्घको आयोजनामा वीरगञ्जमा पाँच सयभन्दा धेरै राष्ट्रिय तथा अन्तरराष्ट्रिय चिकित्सकहरुको उपस्थितिमा ‘अर्थाेकोन २०२५’ सम्मेलन वीरगञ्जमा सुरु भएको छ ।

अर्थाेपेडिक चिकित्सा क्षेत्रमा भएका नविनतम उपचार तथा प्रविधि र अनुभव साटासाट गर्ने उद्देश्यले ‘अर्थाेकन २०२५’ सम्मेलन आयोजना गरिएको हो । अर्थाेकन २०२५ सम्मेलनका सदस्य सचिव डा सरोज सिंहले सम्मेलनमा अर्थाेपेडिकसँग सम्बन्धित दुई सय १० वटा कार्यपत्र प्रस्तुत गर्ने कार्यक्रम रहेको जानकारी दिनुभयो ।

“वरिष्ठ र अनुभवी हाडजोर्नी चिकित्सकले आफूले गरेका शल्यक्रियाको अनुभव नयाँ पुस्ताका चिकित्सकलाई साट्ने अवसर प्राप्त गर्नुहुनेछ”, उहाँले भन्नुभयो, “अर्थाेपेडिक उपचार क्षेत्रमा भएका नवीनत उपचार विधि र नयाँ प्रविधि र ज्ञानको पनि अनुभव साटासाटले चिकित्सकलाई अझै दक्ष बनाउन सक्ने अपेक्षा राखेका छौँ ।”

आयोजकका अनुसार सम्मेलनमा चार सय जना अर्थाेपेडिक सर्जन र एक सय जना विभिन्न अस्पतालमा अर्थाेपेडिक अध्ययन गर्दै आइरहेका रेजिडेन्ट चिकित्सकहरुको सहभागी हुनेछन् । सम्मेलन फागुन १५ देखि १७ गतेसम्म वीरगञ्जको क्लार्क रिसोर्टमा हुँदैछ ।

सम्मेलनमा १८ वटा विदेशी चिकित्सकले अर्थाेपेडिकसँग सम्बन्धित कार्यपत्र प्रस्तुत गर्ने कार्यक्रम छ । “विगतमा अर्थाेपेडिकमा हाडजोर्नी र चोटपटकको मात्रै उपचारको कुरा हुने गथ्र्याे”, सदस्य सचिव सिंहले भन्नुभयो, “अहिले हाडजोर्नीको उपचार प्रणालीमा सुपर स्पेशलाइजेसन सुरुवात भइसकेको छ । जोर्नी प्रत्यारोपण, हिप रिप्लेसमेन्टलगायतका धेरै कुरा थप भइसकेका छन् ।” त्यसअवसरमा जोर्नी प्रत्यारोपण, मेरुदण्ड, बच्चाहरुको हाडहोर्नीको उपचारलगायतको गहन छलफल हुनेछ ।

सङ्घले अर्थाेकोन सम्मेलन एउटा वर्ष काठमाडौँ उपत्यकामा र अर्काे वर्ष उपत्यकाबाहिर आयोजना गर्दै आइरहेको छ । वीरगञ्जमा अर्थाेपेडिकसँग सम्बन्धित ५० भन्दा बढी चिकित्सक छन् । रासस