थाइराइड क्यान्सर के हो ? थाईराइड क्यान्सर हुंँदा किन लक्षण देखिदैन ? कसरी थाहा पाउने !

थाईराइड भन्ने त हामीले सुनेको शब्द हो ।तर थाइराइड क्यान्सर अधिकांश नेपालीले नसुनेको पनि हुन सक्छ । शरीरका अन्य अंगमा लाग्ने क्यान्सर जस्तै थाइराइड क्यान्सर पनि पछिल्लो समय एक गम्भिर रोगको रुपमा परिचित हुंँदै गएको छ । थाइराइड घांँटीको रुद्रघण्टी नजिक हुन्छ ।
थाइराइड क्यान्सर अन्य क्यान्सरभन्दा अलि भिन्न हुन्छ । यो क्यान्सर भएका मानिसमा कुनै पनि लक्षण देखिदैन । बिरामीहरु घाँटीमा गिर्खा आयो भनेर उपचारका लागि आउने बिरामीमध्ये एक प्रतिशतमा यो क्यान्सर देखिने गर्छ । थाइराइड क्यान्सर पहिचानको लागि अल्ट्रासाउण्डबाट थाहा पाउन सकिन्छ ।

यदि घाँटीमा गिर्खा आएको जस्तो महसुस भयो भने अस्पतालमा गएर अल्ट्रासाउन्ड गर्दा गिर्खा १ सेन्टिमिटर भन्दा माथिको छ भने एफएसी गरेर क्यान्सर भए÷नभएको पत्ता लगाउनुपर्छ। घाँटीमा आएको गिर्खा अल्ट्रासाउन्ड गर्दा समय लगाएर गर्नुपर्छ। किनभने घाँटीमा भएका सबै गिर्खाको साइजहरु के कत्रो छ भनेर हेर्नु पर्छ। यसको जांँचको लागि त्यस ठाउंँको पानी झिकेर जांँच गर्नुपर्ने हुन्छ । सबै बिरामीलाई एकै प्रकारको थाइराइड क्यान्सर नहुन पनि सक्छ । यो क्यान्सर मोटो मानिसलाई बढी संभावना हुन्छ ।

यो क्यान्सर भएर आत्तिहाल्नु पर्ने अवस्था नभएको र अन्य अंगको कयान्सर भन्दा कम जोखिम हुने चिकित्सकहरु बताउंँछन । यो क्यान्सर समयमै उपचार गर्न सके यो जोखिमबाट सजिलै बच्न सक्ने उनीहरुको भनाई छ ।

यदि घाँटी पहिलाको भन्दा फुलेको जस्तो भयो। घाँटीमा सारो किसिमको डल्लो आयो, श्वास फेर्न, थुक निल्न गाह्रो भए सकेसम्म चांँडो चिकित्सकसंँग जांँच गर्नुपर्ने हुन्छ ।
थाइराइड क्यान्सर कस्ता मानिसमा देखापर्दछ ? कस्ता उमेरका व्यक्तिलाई बढी असर गर्छ ? यसबाट बच्न के गर्नुपर्छ ? लगायतका बिषयमा रहेर बिपी कोइराला मेमोरियल क्यान्सर अस्पतालका वरिष्ठ नाक कान तथा घांँटी क्यान्सर रोग बिषेषज्ञ डा. सदीक्षा अधिकारी संँग गरिएको कुराकानी । थप जानकारी तलको भिडीयोमा उपलब्ध छ ।