गोरखा अस्पतालमा दैनिक पांँचसयको हाराहारीमा विरामीले सेवा लिएका छन : प्रमुख मेसु डा. खनाल

गोरखा जिल्ला अन्य विकसित जिल्लाहरु भन्दा हरेक सेवा सुविधाको पहुंचमा कम छ । बिशेषगरि भौगोलिक विकटता एवं नेता तथा राज्यको आंँखा नपर्दा यो जिल्ला ओझेलमा परेको छ ।

जसका कारण अझैपनि गोरखा जिल्लाका मानिसहरु सेवा तथा सुविधा लिन चितवन तथा राजधानी धाउनु पर्ने बाध्यता कायमनै छ । तर पछिल्लो समय प्रविधिको विकास संँगै र देश संघीयतामा गएसंँगै स्थानीय , प्रदेश तथा संघीय सरकारले समानुपातिक र समावेशी विकास गर्ने नीति अनुरुप देशका अधिकांश जिल्लाहरुम विकासले कोल्टो फेर्दै गएको पाईन्छ ।

यद्यपि सरकारले नागरिकको न्यूनतम आधारभुत सेवालाई देशभरिनै प्राथमिकता दिएको छ । यस्तै आधारभुत सेवामध्ये स्वास्थ्य सेवा पनि प्रमुख सेवा हो । पछिल्ला बर्षहरुमा गोरखा प्रादेशिक अस्पतालमा पनि विशेषज्ञ सेवा सहितका सेवाहरु सञ्चालित छन । नागरिकलाई गुणस्तरीय तथा स्वास्थ्य सेवाको पहुंच पुरयाउन आर्युवेदिक तथा ऐलोपेथिक सेवा सहितका एकीकृत सेवाहरु उपलब्ध छ । जसले गर्दा नागरिकहरु प्रति अस्पतालको विश्वास बढिरहेको छ । यसैले दैनिक सबै प्रकारका विरामी गरी ५००को हाराहारीम विरामीले सेवा पाईरहेको बताउनु हुन्छ ,अस्पतालका प्रमुख सुपरिटेण्डेण्ट डा. सिद्धार्थ खनाल ।

सबै दल, सर्बपक्षीय सहयोग र साथका कारण अस्पतालमा विरामीहरुको चाप बढ्दै गएको उहांँको भनाई छ । यहांँ अर्थोपेडिक, फिजियोथेरापी, ट्रमा सेवा, आकस्मिक सेवा , आर्युवेद सेवा, इन्टरनल मेडिसिन सेवा, सर्जरी, रेडियोलिजी गाइनोलोजी, डेन्टल लगायतका सेवाहरु उपलब्ध छन । अस्पतालमा के के सेवा सुविधा छन ? अस्पतालमा के के सुधार भएका छन ? अस्पतालका योजना के के छन ? लगायतका विषयमा केन्द्रित रहेर प्रमुख मेडिकल सुपरिटेण्डेण्ट डा. खनाल संँग गरिएको कुराकानीको अंश । विस्तृत जानकारी तलको भिडियोमा उपलब्ध छ ।