चितवन । चितवन जिल्लाको भरतपुरस्थित पुष्पाञ्जली अस्पतालले विरामी तथा सेवाग्राहीलाई लक्षित गर्दै विशेष आरोग्य प्याकेज घोषणा गरेको छ ।
पुष्पाञ्जली अस्पताल १७ बर्ष प्रवेशको अवसरमा एक कार्यक्रमका बीच प्याकेज ए, प्याकेज बी, प्याकेज सी सुविधाको घोषणा गरीएको हो । जसअनुसार प्याकेज ए अन्तर्गत क्रिटिनाइन ,र्याण्डम ब्लड सुगर, युरिन रुटिन टेष्ट , लिपीड प्रोफाइल, इसिजी र चिकित्सक परामर्श हुनेछ । प्याकेज बी अन्तर्गत भिडियो एक्सरे सेवा, एबीडी, एण्ड पेल्भिस, टीएसएच, सिबीसी समेतका परीक्षण हुनेछ र प्याकेज सी अन्तर्गत एसजीपीटी, एसजीओटी, एचबीएवनसी, पीएफटी र छातीको एक्सरे सुविधा रहेको अस्पतालका वरिष्ठ फिजिसियन डा.भोजराज अधिकारीले जानकारी दिनुभयो ।
प्याकेज ए का लागि रु १ हजार पांँचसय, प्याकेज बी का लागि ३००० रुपैंया र प्याकेज सी का लागि ६००० रुपैंया कायम गरिएको छ ।
गत बर्षदेखि नयांँ भवनमा सरेको पुष्पाञ्जली अस्पतालले अत्याधुनिक अप्रेसन थेयटर, आइसीयु , अत्याधुनिक ल्याब सुविधा ,न्युरो सर्जन सुविधा सहित डेड बडी फ्रिजरको समेत सुविधा दिन सक्षम रहेको अस्पतालका प्रबन्ध निर्देशक सुजन अधिकारीले बताउनु भयो ।
यो प्याकेज सुविधा लिन छुट सम्झौता भएका संस्थाका सदस्यहरु र आम नागरिकको हकमा आफ्नो जन्मदिन खुल्ने कागजपत्र हुनुपर्नेछ । अस्पतालका वरिष्ठ फिजिसियन डा. भोजराज अधिकारीले नयांँ बर्षसंँगै अस्पताल १७ बर्ष पुगेको अवसरमा सय बेड सहित सबै भौतिक संरचना सहित प्रविधियुक्त भएको वताउनुभयो । चितवनमै दक्ष न्युरोलोजिष्ट सहित अस्पतालले न्यूरो सर्जन सेवा शुरु गरिएको डा.अधिकारीले भनाई थियो ।
जनतासंँग अस्पताल कार्यक्रम अन्तर्गत हालसम्म ४०० सयभन्दा बढी ठाउंँमा स्वास्थ्य शिविरको आयोजना गरी सकिएको अस्पतालका सामाजिक इकाई प्रमुख केदार सुवेदीले जानकारी दिनुभएको हो ।
अस्पतालका न्युरो सर्जन डा.कुमार पौडलले न्युरो सम्बन्धि उपचारका लागि काठमाडौं जाने बाध्यता हटाउने बताउनुभयो । पुष्पाञ्जली अस्पताल जस्तो राम्रो टीमसंँग काम गर्न पाउंँदा खुशी लागेको बताउंँदै उहांँले गुणस्तरीय सेवा दिने प्रतिबद्धता समेत व्यक्त गर्नुभयो ।
कार्यक्रममा अस्पतालका सल्लाहाकार संयोजक एवं शिक्षा विद चिरञ्जीवी श्रेष्ठ, सल्लाहकार सदस्य लक्ष्मण अर्यालले अस्पतालको टीमले गरेको कामको प्रशंसा गर्दै आगामी दिनमा पनि हातेमालो गर्दै अघि बढ्ने प्रतिबद्धता व्यक्त गर्नु भएको थियो । कार्यक्रम अस्पतालका अध्यक्ष चेतनाथ वाग्लेको अध्यक्षतामा सम्पन्न भएको थियो ।
