छालाको उपचारमा लेजर प्रविधि : हानिकारक कि प्रभावकारी !

स्वास्थ्य क्षेत्रमा पछिल्लो समय लेजर प्रविधि बढी चर्चित छ । र यसको प्रयोग पनि तीब्र रुपमा बढ्दै गएको पाउंँछौं । बिशेषतः बिरामीलाई थप पीडा हुन नदिन र शल्यक्रियाको कामलाई प्रभावकारी बनाउन विकिरणको सहायताबाट गरिने उपचारलाई लेजर प्रविधि भनिन्छ ।

चाहे छालाको उपचार होस, या मृगौलाको शल्यक्रिया या भनौ पायल्सको उपचार यी सबै उपचार लेजर प्रविधिबाट गर्न थालिएको छ । यसको प्रयोग मुख्यतः शरीरका विभिन्न भागमा हुने दुखाइ, जलन, नसा च्यापिएका, मांसपेशीमा भएको दुखाइ कम गर्न उपयोगी ठानिन्छ । यस विधिमा लेजर लाइटको खास प्रयोग हुन्छ जुन दुखाइयुक्त स्थानमा टार्गेट गरी उपकरणको माध्यमबाट प्रकाश पार्ने गरिन्छ ।
तर छालाको उपचारको लागि पनि यो प्रविधि बढी प्रयोग हुंँदै आएको छ । यसबाट मानिसको अनुहारको चाउरीपना, मुसा कोठी, डण्डीफोर, ट्याटु हटाउन तथा उपचार गर्न यो प्रविधि बढी उपयोगी मानिदै आएको छ । यो प्रविधि तुलनात्मक रुपमा पुरानो प्रविधि भन्दा महंगो भएपनि बढी प्रभावकारी हुने चिकित्सकहरु बताउंँछन ।

यो एक किसिमको कस्मेटिक उपचार विधा अन्र्तगत पर्ने हुनाले पनि यो क्षेत्रमा बढी अस्वस्थ प्रतिस्पर्धा हुने र विना ज्ञान भएका व्यक्तिहरुले उपचार गर्दा मानिसमा थप गम्भिर असर पर्ने बिशेषज्ञ चिकित्सकहरुको भनाई छ । अर्कोकुरा लेजर थेरापीले साइड इफेक्ट पर्ने जस्ता भ्रमहरु रहेकोले पनि यो प्रविधिको प्रयोग गर्दा चिकित्सक सल्लाह गरेर उपचार गर्नु उत्तम हुन्छ । लेजर प्रविधि मानिसको विभिन्न अंगको शल्यक्रिया तथा उपचारमा अभ्यास हुंँदै आएपनि यहांँ बिशेषगरी छालाको उपचारमा प्रयोग गरिने लेजर प्रविधिको बिषयमा चर्चा गरिएको छ । लेजर प्रविधि केहो ? यसबाट छालारोग सम्बन्धि के के उपचार गरिन्छ ? यसको प्रभावकारीता लगायतका बिषयमा केन्द्रित रहेर वरिष्ठ यौन तथा छालारोग विशेषज्ञ डा. शुभकान्त गौतमसंँग गरिएको कुराकानी । थप जानकारी तलको भिडियोमा उपलब्ध छ ।