बागमती श्रेष्ठ
चितवन । लायन्स क्लव अन्तराष्ट्रिय डिष्ट्रिक्ट ३२५”आर” क्लस्टर ३ अन्तर्गत रहेका लायन्स क्लब अफ चितवन सेन्ट्रल,लायन्स क्लव अफ चितवन मिड टाउन र लायन्स क्लव अफ चितवन सेवकको संयुक्त आयोजनामा एकदिने निःशुल्क थाइराइड सचेतना तथा रक्त परीक्षण कार्यक्रम सम्पन्न भएको छ। आज भरतपुरस्थित अंकिता मेडिकल हल बुद्धचोक,भरतपुरमा भयको शिविरमा ९१ जनाको निःशुल्क थाइराइड परीक्षण गरिएको हो ।
कार्यक्रमका विषय विज्ञ वरिष्ठ फिजिसियन डा.महेन्द्रकुमार अग्रहरीले स्वस्थ्य जीवनका लागि थाइराइड हर्मोनको महत्त्वबारे जानकारी दिनुभयको थियो । डा.अग्रहरीका अनुसार थाइराइडको मात्र रगतमा आवश्यक भन्दा कम या बढी हुन गएमा यसले मानव स्वास्थ्यमा गर्नसक्ने असरबारे सहभागीलाई सहजीकरण गर्नु भएको थियो।
कार्यक्रमका प्रमुख अतिथि वरिष्ठ क्यान्सर सर्जन तथा लायन्स अभियान्ता डिष्ट्रिक्ट ३२५’आर’क्लस्टर ३,का चिफ,डा.गंगा सापकोटाले लायन्स क्लवले समाजका विभिन्न क्षेत्रमा योगदान गर्दै आएको बताउँदै,अब लायन्स क्लबका सामाजिक अभियान सहरदेखि गाउँसम्म जोड्दै अगाडि बढाउने बताउनु भयो। सचेतना कार्यक्रममा लायन रामहरी घिमिरे,सुरज पाठक,विनोद पन्त, रामकाजी पाण्डे ,चन्द्र प्रकाश उपाध्याय लगाएको सहभागीता रहेको थियो।
कार्यक्रमको सभापतित्व आयोजक संस्थाका अध्यक्ष कमल प्रसाद पौडेल र नवराज पौडेलले संयुक्त रुपमा गर्नु भयको थियो।
