बृहत निःशुल्क स्वास्थ्य शिविर तथा सचेतनाबाट ७६२ जना लाभान्वित

स्वास्थ्य दर्पण
चितवन । चितवनको माडी नगरपालिका हरिनगरस्थित दिवाकर स्मृति बहुप्राविधिक शिक्षालयकाे आयाेजनामा एकदिने बृहत निःशुल्क स्वास्थ्य शिविर तथा सचेतना कार्यक्रममा सम्पन्न भएको छ।
बृहत निःशुल्क स्वास्थ्य शिविर तथा सचेतना कार्यकमबाट ७६२ जना सेवाग्राही लाभान्वित हुनु भयको अस्पतालका सामाजिक इकाई प्रमुख केदार सुवेदीले जानकारी दिनुभयो।

शिविर कार्यक्रमको मेडिकल टिममा वरिष्ठ फिजिसियन डा.भोजराज अधिकारी , वरिष्ठ स्त्री तथा प्रसूति रोग विशेषज्ञ डा.राम प्रसाद सापकोटा,वरिष्ठ फिजिसियन डा.सुनिल पण्डित,डेन्टल सर्जन डा. विवेक घिमिरे , मेडिकल ल्याव टेक्नोलोजिष्ठ मिलन सुवेदी ,वरिष्ठ स्वास्थ्यकर्मी गोविन्द नेपाल लगायतको स्वास्थ्यकर्मीहरुले बिरामीको स्वास्थ्य परीक्षण गरिएको डा.अधिकारीले जानकारी दिनुभयो।

बृहत निःशुल्क स्वास्थ्य शिविर तथा सचेतना कार्यक्रममा २६७ पुरूष र ४९५ महिलासहित कुल ७६२ जनाले स्वास्थ्य सेवा लिएका थिए। शिविरमा स्वास्थ्य चेकजाँच गर्न आउने सेवाग्राहीमा मधुमेह, उच्च रक्तचाप,पेट, छाती, मुटु रोग , महिलाहरुको स्वास्थ्य समस्या, दाँत, मुख, गिँजा सम्बन्धि रोगहरुको समस्या देखा परेको चिकित्सकको भनाइ थियो। साथै शिविरमा बिरामीहरुलाई आवश्यक अनुसार औषधि प्रदान गरिएको स्वास्थ्यकर्मी नेपालले जानकारी दिनुभयो।

कार्यक्रममा पुस्पाञ्जली अस्पताल प्रा.लि. भरतपुरकाे प्राविधिक सहयाेग तथा विश्वास फार्मेसी,माडीले औषधि सौजन्य गरेको हो।