‘पिन’ नारायणगढ इकाई अध्यक्षमा प्रकाश सुवेदी ( तस्वीरहरु)

भरतपुर । नेपाल औषधिगत बिक्री प्रबन्धक संगठन ( पिन ) नारायणगढ इकाईको छैठौं अधिवेशनबाट प्रकाश सुवेदी अध्यक्ष पदमा निर्वाचित हुनु भएको छ। आज भरतपुर सम्पन्न अधिवेशनले उहांँलाई सर्वसम्मत चयन गरेको हो । सुवेदीको नेतृत्वमा १३ सदस्यीय कार्यसमिति सर्वसम्मत रुपमा चयन भएको छ ।
समितिको उपाध्यक्षमा जनक ढकाल र दिपेश तिवारी सचिवमा अर्जुन पौडेल, कोषाध्यक्ष अमृत नारायण श्रेष्ठ, सह सचिवमा सीता पाण्डे, सह कोषाध्यक्षमा सुदर्शन सुवेदी चयन हुनु भएको छ । यस्तै सदस्यहरुमा प्रकाश सिंह विष्ट, संजीव सिंह,शालिक राम पौडेल, छवि आचार्य,वसन्त ढकाल र दिलीप खनाल चयन हुनु भएको हो । कार्यक्रमका प्रमुख अतिथि पिन केन्द्रका सल्लाहकार नेत्र नाथ पौडेल रहनु भएको थियो । सो अवसरमा बोल्दै पौडेलले नेपाली औषधि उद्योग र बजारीकरण समस्या सुधार्नु पर्नेमा जोड दिनुभयो । उहांँले सेवाग्राहीलाई सरल, सहज र ,गुणस्तरीय औषधि सेवन गर्ने अधिकार रहेकाले यसमा सबै सरोकारवाला गम्भीर हुनु पर्ने बताउनु भयो।

उद्धघाटन सत्रको अध्यक्षता ‘पिन’ नारायणगढ इकाईका अध्यक्ष इन्द्र पौडेलले गर्नु भएको कार्यक्रममा नेपाल औषधि व्यवसायी संघ चितवनका अध्यक्ष ईश्वर भण्डारी,पिन पोखराका अध्यक्ष दशरथ पाण्डे,पिन रुपन्देहीका अध्यक्ष चिरञ्जीवी पाण्डे, एन एम एस आएका अध्यक्ष धर्म दवाडी,स्वास्थ्य दर्पण मीडिया नेटवर्कका अध्यक्ष एवं स्वास्थ्य पत्रकार सन्दिप कुमार श्रेष्ठ लगायतले शुभकामना मन्तव्य व्यक्त गर्नु भएको थियो।