काठमाडौं । स्वास्थ्य तथा जनसङ्ख्या मन्त्रीमा डा.सुधा शर्मा गौतमले आज पद तथा गोपनियताको सपथ लिनुभएको छ।
राष्ट्रपति रामचन्द्र पौडेलले राष्ट्रपति कार्यालय,शीतलनिवासमा आयोजित विशेष समारोहमा नवनियुक्त स्वास्थ्य तथा जनसङ्ख्या मन्त्री डा.सुधा शर्मा गौतमको सपथ लिनुभएको हो। यसअघि आज बिहान चार मन्त्रीले शपथ लिने भनिए पनि अन्तिम समयमा दुई जना मन्त्रीको मात्रै शपथ भएको हो। मन्त्री डा.गौतम स्वास्थ्य मन्त्रालयकी पूर्वसचिव समेत हुनुहुन्छ।
प्रधानमन्त्री सुशीला कार्कीको सिफारिसमा उहाँहलाई राष्ट्रपति पौडेलले आज नियुक्ति गर्नुभएको हो। गत भदौ २७ गते गठित मौजुदा मन्त्रिपरिषद्को सङ्ख्या आजको विस्तारसँगै १० पुगेको छ। यसअघि गत भदौ ३० र असोज ६ गते मन्त्रिपरिषद् विस्तार भएको थियो।
