चितवन । भरतपुरमा पित्तनली, पेट र आन्द्राको क्यान्सर सम्बन्धी एकदिने कार्यशाला कार्यक्रम सम्पन्न भएको छ।
बी.पी.कोइराला मेमोरियल क्यान्सर अस्पताल, भरतपुरमा आयोजित सो कार्यक्रममा भारतको राजीव गान्धी क्यान्सर अस्पताल एण्ड रिसर्च सेन्टरका वरिष्ठ क्यान्सर रोग विशेषज्ञ तथा मेडिकल निर्देशक डा. विनित तलवार र सोही अस्पतालका एकेडेमी डाइरेक्टर, वरिष्ठ क्यान्सर रोग विशेषज्ञ डा. सिभेन्द्र सिंहले पेट, आन्द्रा र पित्तनली क्यान्सरको उपचारमा भएका खोज–अनुसन्धान, उपचारका नवीनतम पद्धति तथा उपलब्धिबारे वैज्ञानिक शोधपत्र प्रस्तुत गर्नु भएको थियो । भने नेपालबाट बी.पी.कोइराला मेमोरियल क्यान्सर अस्पताल, भरतपुरमा कार्यरत डा.सुरेश कुमार दीप लगायतले बैज्ञानिक सोधपत्र प्रस्तुति गर्नु भएको हो ।
बी.पी.कोइराला मेमोरियल क्यान्सर अस्पताल, भरतपुर अंकोलोजी विभागको आयोजनामा संचालित कार्यक्रममा अस्पतालका कार्यकारी निर्देशक डा.शिवजी पौडेल, उपनिर्देशक डा.उमेश नेपाल लगायतको उपस्थिति रहेको थियोे ।
