काठमाडौँ । स्वास्थ्य दर्पण मिडिया नेटवर्कको दशौँ वार्षिकोत्सवको अवसरमा आयोजना गर्न लागिएको स्वास्थ्य दर्पण राष्ट्रिय हेल्थ अवार्ड–२०८२ कार्यक्रमको सम्पूर्ण तयारी पूरा भएको छ ।
काठमाडौँको कमलादीस्थित नेपाल प्रज्ञा प्रतिष्ठानमा चैत २८ गते शनिबार आयोजना हुने स्वास्थ्य दर्पण राष्ट्रिय हेल्थ अवार्ड–२०८२ कार्यक्रमको सम्पूर्ण तयारी पूरा भएको स्वास्थ्य दर्पण मिडिया नेटवर्कका अध्यक्ष सन्दीपकुमार श्रेष्ठले बताउनुभयो ।
कार्यक्रमकी प्रमुख अतिथि पूर्वस्वास्थ्यमन्त्री सुधा गौतम शर्माले कार्यक्रमको उद्घाटन गर्नुहुने र नेपालका सात वटै प्रदेशबाट छनौट गरी स्वास्थ्य क्षेत्रमा योगदान दिएका चिकित्सक, स्वास्थ्यकर्मी, पत्रकार र संस्थालाई गरी २० वटा अवार्ड उहाँले नै वितरण गर्ने कार्यक्रम रहेको अध्यक्ष श्रेष्ठले जानकारी दिनुभयो ।
स्वास्थ्य दर्पण मिडिया नेटवर्कले हरेक वर्ष राष्ट्रिय हेल्थ अवार्ड कार्यक्रम आयोजना गर्दै आएको छ ।
