चितवन । नेपाल चिकित्सक संघको नवनिर्वाचित कार्यसमितिको पदभार हस्तान्तरण गरिएको छ। नेपाल चिकित्सक संघको पाँचौँ राष्ट्रिय स्वास्थ्य शिखर सम्मेलन तथा ३०औँ एनेमेकन–२०२६ को दोस्रो दिन नवनिर्वाचित कार्यसमितिको पदभार हस्तान्तरण गरिएको हो।
एनेमेकनको विशेष समारोहमा बागमती प्रदेशका मुख्यमन्त्री इन्द्रबहादुर बानियाँको प्रमुख आतिथ्यतामा पद हस्तान्तरण गरिएको हो। नवनिर्वाचित समितिका अध्यक्षमा डा. बद्री रिजाल, वरिष्ठ उपाध्यक्षमा डा. सञ्जीव तिवारी, महासचिवमा डा. विश्वराज दवाडी, कोषाध्यक्षमा डा. संयुक्ता आचार्य, सह–कोषाध्यक्षमा डा. तेजसु सिंह मल्ल तथा सहसचिवमा डा. हुलास अग्रवाल निर्वाचित हुनु भएको थियो । प्रदेश उपाध्यक्षमा क्रमशः कोशी प्रदेशबाट डा. रोशन खड्का, मधेश प्रदेशबाट डा. अमित रञ्जन मिश्र, बागमती प्रदेशबाट डा. सुवास भट्टराई, गण्डकी प्रदेशबाट डा. यज्ञराज सिग्देल, लुम्बिनी प्रदेशबाट डा. नन्दा कुमारी गुरुङ, कर्णाली प्रदेशबाट डा. रविन खड्का तथा सुदूरपश्चिम प्रदेशबाट डा. प्रमोद जोशी निर्वाचित हुनु भएको हो । त्यसैगरी सदस्य पदमा डा. अमित झा, डा. राकेश साह, डा. पल्पसा श्रेष्ठ, डा. बिना श्रेष्ठ, डा. शेषराज घिमिरे तथा डा. सुस्मित काफ्ले निर्वाचित हुनु भएको थियोे ।
आज भएको कार्यक्रममा बागमती प्रदेशका मुख्यमन्त्री इन्द्रबहादुर बानियाँ, बागमती प्रदेशकी सहकारी तथा गरिबी निवारणमन्त्री बिनु रायमाझी, भरतपुर महानगरपालिकाका कार्यवाहक मेयर चित्रसेन अधिकारी, एसोसिएसनका पूर्वअध्यक्षहरू डा. भोजराज जोशी, डा. केदारनरसिंह केसी, डा. अञ्जनीकुमार झा, डा. मुक्तिराम श्रेष्ठ, डा. लोचन कार्की, संघीय स्वास्थ्य तथा जनसंख्या मन्त्रीका विज्ञ सल्लाहकार डा. मनोहरलाल प्रधान, विश्व स्वास्थ्य संगठनका डा. विनोद गुप्ता, नेपाल चिकित्सक संघ चितवनका अध्यक्ष तथा यस सम्मेलन आयोजक समितिका अध्यक्ष डा. उमेश नेपाल, सम्मेलनका सयोजक तथा साखाका सचिव डा. महेन्द्रकुमार अग्रहरीलगायतको उपस्थिति रहेको थियो।
कार्यक्रममा संस्थाका निवर्तमान अध्यक्ष डा. अनिल विक्रम कार्कीले आफ्नो नेतृत्वको समितिलाई सफल बनाउन सहयोग गर्ने सबैप्रति आभार व्यक्त गर्दै संस्थाको गरिमालाई उच्च राख्न आफू सधैं लागिपर्ने बताउनु भयो ।
