दुम्कीबास । लखन थापा मेमोरियल एकेडेमी विनयी त्रिवेणी–१, दुम्कीबासको आयोजना र सप्तगण्डकी अस्पताल प्रा.लि. भरतपुर–१०, चितवनको प्राविधिक तथा चिकित्सकीय सहयोगमा शनिबार निःशुल्क स्वास्थ्य शिविर सम्पन्न भएको छ ।
दुम्कीबासस्थित लखन थापा मेमोरियल एकेडेमीमा आयोजित स्वास्थ्य शिविरमा नाक, कान, घाँटी, टाउको तथा क्यान्सर, पित्तथैलीको पत्थरीलगायत पेट, छाती, मुटु, सुगर, प्रेसर, थाइराइड, प्रसूति तथा स्त्री, निःसन्तान तथा बाँझोपन, हाड, जोर्नी, नशा तथा बाथरोग, नवजात शिशु तथा बालरोग सम्बन्धी स्वास्थ्य जाँच गरिएको थियो ।
“स्वस्थ नागरिक समृद्ध समाज” भन्ने नारासहित आयोजना गरिएको स्वास्थ्य शिविर बिहान १० बजेदेखि दिउँसो ४ बजेसम्म सञ्चालन भएको थियो । शिविरमा सहयोग पुर्याउने विद्यालय परिवार, स्वयंसेवक टिम, स्थानीय समाजसेवी, डाक्टर तथा स्वास्थ्यकर्मीलगायत सम्पूर्णलाई सप्तगण्डकी अस्पतालले आभार व्यक्त गरेको छ ।
