काठमाडौं। नेपाल स्वास्थ्य सेवा व्यवस्थापक संघको दोस्रो महाधिवेशनबाट डा. होमप्रसाद अधिकारी अध्यक्षमा निर्वाचित भएका छन्। वरिष्ठ उपाध्यक्षमा विक्रम अधिकारी निर्वाचित भएका छन् भने प्रदेशगत उपाध्यक्षहरूमा कोशीबाट इन्दु नेपाल योञ्जन, मधेसबाट अभिषेक रोशन, बागमतीबाट अरूण कोइराला, गण्डकीबाट हेमन्त श्रेष्ठ, लुम्बिनीबाट देभेश करण, कर्णालीबाट भक्तबहादुर शाही तथा सुदूरपश्चिमबाट कृष्णराज ढुंगाना निर्वाचित भएका छन्।
महासचिवमा छमबहादुर अधिकारी, सचिवमा समीर शर्मा र कोषाध्यक्षमा रोजिका प्रधान निर्वाचित भएका छन्। सदस्यहरूमा क्षितिज खतिवडा, श्रेयशध्वज जोशी, लवेन्द्र कुँवर, प्रकृति आचार्य, जगतलक्ष्मी सुजाखु, हेमकुमार बिडारी, रोशन अधिकारी र विशाल लामिछाने चयन भएका छन्। नवनिर्वाचित कार्यसमितिको कार्यकाल तीन वर्षको हुनेछ।
