धनगढी । सुदूरपश्चिम प्रदेशका मुख्यमन्त्री खगराज भट्टले धगनढीको सेती प्रादेशिक अस्पतालको आज अनुगमन गर्नुभएको छ । त्यस क्रममा उहाँले अस्पतालमा उपचार सेवाका लागि आउँने नागरिकले सहज र सम्मानजनक रूपमा स्वास्थ्य सेवा पाउने वातावरण निर्माणमा जोड दिनुभयो ।
अस्पतालको सेवा प्रवाहलाई थप प्रभावकारी, सहज र गुणस्तरीय बनाउन कर्मचारी तथा स्वास्थ्यकर्मीलाई निर्देशन दिँदै मुख्यमन्त्री भट्टले अस्पतालको सेवा प्रवाहमा कुनै पनि समस्या हुन नदिइ आफ्नो कार्यसम्पादन प्रति गम्भीर र जवाफदेही बन्न कर्मचारीलाई सुझाव दिनुभयो । त्यस अवसरमा उहाँले अस्पतालको सेवा प्रवाह, बिरामीले प्राप्त गरिरहेको सुविधा लगायतबारे जानकारी लिनुभयो।रासस
