भरतपुर । भरतपुरमा सातवटा संस्थाहरुले संयुक्त रुपमा खुल्ला रक्तदानको आयोजना गरेका छन ।
लायन्स क्लब अफ चितवन मुटु,लायन्स क्लब अफ चितवन सिटी,लायन्स क्लब अफ चितवन सिटी मर्सी र चितवन मुटु अस्पताल लगायत चितवनमा सक्रिय सातवटा संघसंस्थाको आयोजनामा खुल्ला रक्तदान कार्यक्रम सम्पन्न भएको हो ।
आज शनिवार एक कार्यक्रमका बीच भरतपुर महानगरपालिका वडा नम्बर १० स्थित चितवन मुटु अस्पतालको परिसरमा खुल्ला रक्तदान कार्यक्रमको आयोजना गरिएको थियो ।
कार्यक्रमका प्रमुख अतिथि नेपाल रेडक्रस सोसाइटीका केन्द्रिय सदस्य महेन्द्र प्रसाद श्रेष्ठले पानसमा दिपप्रज्वलन गरी कार्यक्रमको शुभारम्भ गर्नुभएको हो।
सो कार्यक्रममा ५१ जनाले रक्तदान गर्नुभएको लायन्स क्लब अफ चितवन मुटुका सचिव लायन सोभित तिमिल्सिनाले बताउनु भयो।
खुल्ला रक्तदान कार्यक्रममा लायन्स क्लब अन्तराष्ट्रिय डिष्ट्रिक्ट (३२५ आर)का द्वितिय भाइस डिष्ट्रिक्ट गभर्नर एम.जे.एफ.लायन दिनानाथ न्यौपाने,लायन्स लिडर माधव पौडेल,नेपाल रेडक्रस सोसाइटीका केन्द्रिय सदस्य लायन शिला परियार, भरतपुर क्षेत्रीय रक्तसञ्चार केन्द्रका प्रमुख रमेशकान्त पौडेलले मन्तव्य राख्नुभएको थियो । यस्तै नेपाल हृदय रोग निवारण प्रतिष्ठानका केन्द्रिय सदस्य ई.भोज राज कौडेल, शिक्षाविद डा इश्वरी प्रसाद लौडारी,समाजसेवी बद्री तिमिल्सेना लगायतको उपस्थिति सहितको कार्यक्रममा उहाँहरुले शुभकामना तथा मानव जीवनमा रगतको महत्वबारे प्रकाश पार्नु भएको थियो ।
लायन्स क्लब अफ चितवन मुटु का अध्यक्ष वरिष्ठ मुटु रोग विशेषज्ञ लायन डा शंकर लौडारीको अध्यक्षतामा कार्यक्रम सम्पन्न भएको थियो । सो क्रममा बोल्दै डा लौडारीले आफु स्वयं स्वास्थ्य क्षेत्रको जिम्मेवार व्यक्ति भएकाले पनि यस्ता कार्यक्रमले आफूलाई थप सक्रिय रुपमा समाज सेवा तर्फ लाग्न उत्प्रेरणा मिलेको बताउनु भयो।
