चुनौति बन्दै सर्ने भन्दा नसर्ने रोग
भरतपुर । केही बर्षअघि नसर्ने रोग भन्दा सर्ने रोग मानवस्वास्थ्यको लागि जोखिम भएपनि पछिल्लो समय मानव स्वास्थ्यमा गम्भिर असर पुर्याउने नसर्ने रोगहरु मेडिकल क्षेत्रमा चुनौति बन्दै गएको छ । सर्ने रोगको न्यूनिकरण , उपचारपद्धति र प्रविधिका कारण सर्ने रोगले भन्दा नसर्ने रोगका कारण मानिसको मृत्यु बृद्धि हुंँदै गईरहेको चिकित्सा शास्त्रको पछिल्लो तथ्यांकले देखाउंँछ । यसले गर्दा चिकित्सक र विज्ञको लागि समेत टाउको दुखाईको बिषय बनेको छ ।
स्वास्थ्य दर्पण मिडिया नेटवर्क प्रा लि द्धारा भरतपुरमा आयोजित नेपाल टेलिभिजन प्लस बाट प्रशारण हुने “स्वास्थ्य दर्पण” नामक कार्यक्रमको अन्र्तक्रियामा पछिल्लो समय नसर्ने रोगहरु शहर हुंँदै गाउंँसम्म सर्दै गएकोमा चिकित्सक तथा विज्ञहरुले चिन्ता व्यक्त गरेका छन् । पछिल्लो समय मानिसमा आएको आधुनिक जीवनशैली,पेशागत तनाव,पारिवारीक तनाव, वातावरणीय प्रदूषण र बंशानुगत गुणका कारण नसर्ने रोग चुनौति बन्दै गईरहेको उनीहरुले बताएका थिए ।
सो कार्यक्रममा मधुमेह रोग तथा थाइराइड रोगले मानव स्वास्थ्यमा पार्ने असर, यी रोगहरु बारे खोजअनुसन्धान,उपचार पद्धतिमा भए गरेका नवीनतम प्रयोग र प्रयास बारे चिकित्सक हरुसंँग अन्र्तक्रिया गरिएको थियो । कार्यक्रममा चिकित्सकका साथै नर्स,फर्मासिस्ट,प्रयोगशालाकर्मी,जनस्वास्थ्यकर्मी, ग्रामीणभेगमा सेवारत स्वास्थ्यकर्मी,पत्रकार र बिरामी बीचका अनुभव आदान प्रदान गरिएको हो ।
कार्यक्रममा बिषय विज्ञको रुपमा वरिष्ठ स्त्री तथा प्रसूति रोग बिशेषज्ञ प्राडा सुनिलमणी पोखरेल, वरिष्ठ फिजिसियन डा.भोजराज अधिकारी, वरिष्ठ पत्रकार दिपक आचार्य, बाल रोग बिशेषज्ञ डा.किरण देवकोटा, वरिष्ठ फर्मासिस्ट प्रवन दाहाल,सिनियर नर्स गोमा राई, वरिष्ठ प्रयोगशालाकर्मी पशुपति रानाभाट,जनस्वास्थ्यकर्मी अशेष मल्ल लगायत ४०जना बढी स्वास्थ्यकर्मीहरुको सहभागिता रहेको थियो।
टेलिभिजन कार्यक्रमका प्रस्तोता तथा निर्माता सन्दिप कुमार श्रेष्ठले यस प्रकारको जनचेतना र अभिमुखीकरण सम्बन्धी बिषयहरुमा टेलिभिजनहरुले आफ्ना नियमित कार्यक्रममा कमै मात्रामा प्राथमिकता दिएर प्रसारण गर्ने गरिएकोले पनि यस्ता बिषयमा दर्शकको चाहाना अनुसार अझ खोजअनुसन्धान गरि आगामी दिनहरुमा स्वास्थ्य दर्पण कार्यक्रम उपलब्धिमुलक र थप प्रभावकारी बनाउंँदै लैजाने बताउनु भयो ।
