चितवन । नेवा : पत्रकार राष्ट्रिय दबू चितवन शाखाको छैठौं वार्षीक साधारण सभा तथा तेस्रो जिल्ला अधिवेशनको अवसरमा जिल्लाका पत्रकार तथा चिकित्सकलाई सम्मान गरिएको छ ।
नेवा : पत्रकार राष्ट्रिय दबूमा रहेर स्वास्थ्य क्षेत्रमा महत्वपूर्ण योगदान पुर्याए बापत कदर गर्दै आज नारायणगढमा आयोजित दबू चितवनको छैठौं वार्षीक साधारण सभा तथा तेस्रो जिल्ला अधिवेशनको अवसरमा उनीहरुलाई प्रशंसा पत्र बाट सम्मान गरिएको हो ।
सम्मानित हुनेमा स्वास्थ्य दर्पण मिडिया नेटवर्क ग्रुपका सम्पादक सन्दिप कुमार श्रेष्ठ सहित वरिष्ठ क्यान्सर सर्जन प्राडा. भक्तमान श्रेष्ठ , वरिष्ठ हाडजोर्नी तथा नशा रोग विशेषज्ञ ( सर्जन ) प्राडा. अर्जुन श्रेष्ठ , वरिष्ठ पेट तथा कलेजो रोग विशेषज्ञ डा. बरुण श्रेष्ठ र वरिष्ठ जनरल तथा ल्याप्रोस्कोपीक सर्जन डा. सूर्यज्योति श्रेष्ठ रहेका छन ।
सो अवसरमा पत्रकारिता क्षेत्रमा महत्वपूर्ण भूमिका खेलेको भन्दै वरिष्ठ पत्रकारद्धय महेन्द्र श्रेष्ठ र अमर देव प्रधानलाई समेत प्रशंसा पत्र द्धारा सम्मान गरिएको थियो ।
कार्यक्रममा नेपाल पत्रकार महासंघकी उपाध्यक्ष प्रमिता ढकाल , फोनिज वागमती प्रदेशका उपाध्यक्ष राजेश रुम्बा, नेवा : पत्रकार राष्ट्रिय दबूका केन्द्रीय कोषाध्यक्ष सुरेन्द्रभक्त श्रेष्ठ , संस्थापक अध्यक्ष श्रीकृष्ण महर्जन, वरिष्ठ उपाध्यक्ष तथा कार्यक्रमका प्रमुख अतिथि निपेन्द्र लाल श्रेष्ठले शुभकामना मन्तव्य व्यक्त गरेका थिए ।
आज भएको नेवा : पत्रकार राष्ट्रिय दबू चितवन शाखाको तेस्रो जिल्ला अधिवेशनबाट अनुज जोशीको अध्यक्षतामा नौं सदस्यीय जिल्ला कार्यसमिति चयन गरिएको छ । यसको कार्यकाल तीन वर्ष अवधिको रहनेछ । शाखाले संघीय पार्षदमा चार जना र प्रदेश पार्षदमा छ जनालाई सर्वसम्मत चयन गरेको हो । भने जिल्ल्लामा नेवा : पत्रकार राष्ट्रिय दबूमा आवद्ध बत्तीस जना क्रियाशील सदस्य रहेका छन् ।
