नवलपुर । नवलपुर, तनहुँ , गोर्खा र चितवन सहित ६ जिल्लामा रहेका चौबीस वटा जेसीज शाखाहरुको संयुक्त आयोजनामा साउन महिनाको तेस्रो सोमवार प्रसिद्ध धार्मिक क्षेत्र देवघाटधाममा स्वास्थ्य शिविर तथा पानी वितरण गरिएको छ । देवघाटधाममा दर्शन तथा स्नान गर्न आहुनुहुने धर्मालम्वीहरुको स्वास्थ्य अवस्थालाई ख्याल गरी निःशुल्क स्वास्थ्य शिविर र पानी वितरण गरिएको हो ।
शिविरमा डा.विश्वास गुरुङको मेडिकल टिमको नेतृत्वमा स्वास्थ्य चेकजाँच गर्नुका साथै आवश्यकता अनुसार औषधि वितरण गरिएको प्रस्तावित बुलिङ्गटार जेसीजका अध्यक्ष सन्दीप कुमार श्रेष्ठले जानकारी दिए ।
जेसीजको यस खाले सामाजिक कार्य बाट देवघाटधाममा दर्शन तथा स्नान गर्न आहुनुहुने धर्मालम्वी बर्तालुहरुले खुसी व्यक्त गरेको कुरा गैंडाकोट जेसीजका अध्यक्ष जेसी शंकर अधिकारीले बताए । स्वास्थ्य शिविरको प्राविधिक सहयोग चितवनमा रहेको श्री पुष्पाञ्जली हस्पिटल प्रा लि ले गरेको हो ।
यस कार्यक्रमका व्यवस्थापक नारायणगढ जेसीज शाखा अध्यक्ष जेसी अमृत कुमार श्रेष्ठले नेपाल जेसीज क्षेत्र ख अन्तर्गतको निरुपित राष्ट्रिय उपाध्यक्ष जेसी कुष्ण बहादुर श्रेष्ठको विशेष उपस्थिति सहित सबै शाखाहरुका जेसीज अध्यक्ष संगै अन्य सदस्यहरुको उल्लेखनीय उपस्थिति रहेको बताए ।
यो शिविर तथा पानी वितरण साउन महिनाको अन्तिम सोमवार सम्म सञ्चालन गरिनेछ ।
