चितवन । विश्व मुटु दिवसको अवसर पारेर चितवनका चिकित्सक र पत्रकारबीच मुटुुसम्बन्धी अन्र्तक्रिया गरिएको छ । नेसनल हर्ट एण्ड लंग सोसाईटी र कान्तिपुर हेल्थको संयुक्त आयोजनामा आज भरतपुरमा मुटुरोगका चिकित्सकसंँग अन्र्तक्रिया गरिएको हो ।
कार्यक्रममा डा. श्यामराज रेग्मी, डा. मणीप्रसाद गौतम, डा. सुधीर रेग्मी, डा. शंकर लौडारी र मनोज श्रेष्ठले मुटुरोगमा पछिल्लो समय प्रविधि, मुटुरोगका लक्षण, मुटुरोगका बच्ने उपाय तथा चितवनमा मुटुरोगीहरुको अवस्था र उपचार पद्धतिबारे प्रकाश पारेका थिए ।
सो अवसरमा बोल्दै डाः रेग्मीले मुटु उपचार पद्धतिमा चितवनले पनि फड्को मारिससकेको बताए । मुटुरोगीको संख्यामा बृद्धि भएसंँगै चितवनमा दक्ष चिकित्सकहरुले गुणस्तरीय सेवा दिदै आएको उनको भनाई थियो । डा. मणिप्रसाद गौतमले पछिल्लो समय धेरैजसो मृत्युको कारण मुटुरोग भएको बताए । अन्य रोगभन्दा मुटुरोग बढी संवेदनशील र अचानक हुने ह्दयघातका कारण मृत्यु पनि सोही अनुपातमा भएको उनको भनाई थियो । उनले मुटुरोग, ह्दयघात र लक्षणका बारेमा प्रकाश पारेका थिए ।
डा. लौडारीले पछिल्लो समय बायु प्रदुषणका कारण २५ देखि २७ प्रतिशत नयाँ मुटुरोगी थपिएको बताए । मानिसको जीवनशैली, खानपान, मानसिक तनाव, शारिरीक व्यायामको कमीले गर्दा मुटुरोगीको संख्या बढ्दै गएको उनले बताए । मुटुरोग न्यूनिकरण र बच्नका लागि समुदायमा जनचेतना बढी आबश्यक रहेको लौडारीको भनाई थियो । डाक्टर सुधीर रेग्मीले चितवनमा मुटुरोगका अधिकांश उपचार तथा शल्यक्रिया पनि गर्न सकिने बताए ।
मेडिकल सिटीको रुपमा विकसित भरतपुरमा पछिल्लो दशकमा आधुनिक प्रविधि, उपचार हुनुका साथै औषधिहरु पनि नेपालमै उत्पादन भएको बताए । पछिल्ला बर्षहरुमा चितवनमा पनि विधागत अस्पताल खुल्ने क्रम बढेको भन्दै यसले काठमाडौ लगायत अन्य देश धाउनु पर्ने बाध्यता हट्दै गएको उनले बताए ।
डा .श्रेष्ठले पहिले ह्यदघात ४० दशक पछिका उमेरसमुहमा देखिएपनि पछिल्लो समय किशोर युवासमुहमा पनि देखिने गरेको बताए। कार्यक्रममा पत्रकारहरुले चितवनको मुटु उपचार पद्धतिको अवस्था , आधुनिक पद्धति , रोगीको अवस्थाका बारेमा जिज्ञासा राखेका थिए ।
