वीरगंज । बीरगंज महानगरपालिकाकाले आज बाट ’’मेयर घरदैलो स्वास्थ्य कार्यक्रम’’ अन्तरगत निःशुल्क स्वास्थ्य सेवा शुरु गरेको छ ।
आज पहिलो दिन वीरगन्ज महानगरपालिका वडा नम्बर १७ अलौमा ’’मेयर घरदैलो स्वास्थ्य कार्यक्रम’’ सञ्चालन गरिएको हो ।
शिविरमा १ सय ७३ जनाको स्वास्थ्य परिक्षण गरिएको थियो ।
महानगरपालिकाले नगरवासीको घरदैलोमै स्वास्थ्य सेवा पुर्याउने उद्देश्यले सञ्चालन गरेको निःशुल्क स्वास्थ्य शिविर कार्यक्रममा बिरामीको अवस्था हेरी मोबाइल ल्याबबाट तत्कालै रगत परिक्षण गराई समस्या अनुसार निःशुल्क औषधी पनि वितरण गरिएको अभियानमा सहभागी डा. सागर गुप्ताले जानकारी दिनुभयो ।
स्थानीय बासिन्दालाई घरदैलोमै सबै खालका चेकजाँच हुने गरी स्वास्थ्य सेवा पुगेपछि सदरमुकाम धाइरहनुपर्ने अवस्था हटेकोले स्वास्थ्य चेकजाँच गराउन आउने सेवाग्राहीको आकर्षण बढ्ने देखिएको छ ।
विशेष गरी अशक्त वृद्धवृद्धा, गर्भवती महिला तथा बालबालिकाहरूलाई प्राथमिकतामा राखेर बीरगंज महानगरपालिकाले ’’मेयर घरदैलो स्वास्थ्य कार्यक्रम’’ सञ्चालन गरेको बताउँदै नगर प्रमुख राजेशमान सिंहले स्वास्थ्य शिविरमा उल्लेखनीय सहभागिता भन्नुहुँदै यसलाई नगर क्षेत्रको वडा मात्रै नभई टोल टोलमा पुर्याउने प्रतिबद्धता व्यक्त गर्नुभयो ।
अभियानमा स्वास्थ्यकर्मी समूहमा डा.सागर गुप्ता, डा.उमेश सरार्फ, डा.जिन्नातुन नेसा, डा. अनुभा राय, स्टाफ नर्स शोभा राय, हेल्थ असिस्टेन्ट मेघनाथ सहनी, ल्याब टेक्नेसियन जितेन्द्र प्रसाद पटेल, अरबिन्द कुश्वाहा, अहेव जितेन्द्र साह, दिलीप गुप्ता, अनमी रेखा कुमारी लगायतको सहभागिता रहेको थियो ।
